[A:61b]mya ngan las 'das pa chen po'i bar du'o / /
zhes sgra ji bzhin par 'chad do / /
'dir rgyud bla'i tshigs bcad bzhin du bshad par bya ste / bram ze'i khye'u bla ma de tshe 'phos nas dga' ldan du dam pa tog dkar po zhes bya bar gyur te / lha rnams la chos ston to / /
de'i tshe nyid kyi bsod nams kyi mthu dang / sangs rgyas rnams kyi byin gyi rlabs / kyis lha'i rol mo'i sgra dag las / bsod nams rgya che tshogs mnga' dran rtogs dang / /
blo gros mtha' yas shes rab 'od mdzad pa / /
mtshungs med [C:83]stobs mnga' sgyu rtsal rgya che ba / /
mar me mdzad kyi lung bstan dgongs par mdzod / /
skyes mchog khyed kyi bsod nams dpal gyis ni / /
dga' ldan pho brang shin tu mdzes mod kyi / /
'on kyang thugs rje'i thugs dang ldan pas na / /
thugs rje'i rgyal mtshan dag tu char ba phob / ces pa nas / 'di ni dus lags btang snyoms ma mdzad ces / /
snying rje'i yid dang ldan pas skul bar byed / /
ces pa la sogs pas bskul lo / /
de'i tshe gnas gtsang ma'i lha'i bu rnams byang chub sems dpa' mnga' du 'jug pa'i lo bcu gnyis kyi gong nas bram zer sprul te / 'og nas 'chad pa'i rnam pas mngal du zhugs par gyur na / mtshan dpe dang ldan te 'khor los bsgyur rgyal lam / sangs rgyas su 'gyur ro zhes 'don du 'jug cing / rang sangs rgyas rnams la lo bcu gnyis na byang chub sems dpa' lhums su 'jug gis / zhing 'di bor cig ces zer zhing / de rgyal po'i khab kyi mjug ma bsgyur ba'i ri la rang rgyal glang po zhes pas thos te / rdo la rkang rjes bzhag ste 'das so / /
w'a ra Na sir rang rgyal lnga brgya me'i khams la zhugs te 'das nas [B:56a]ring bsrel lhung bas drang srong lhung bar grags so / /
de nas bskul