[A:62a]ba'i don rjes su dgongs te / dus tshe lo brgya pa dang / gling 'dzam bu'i gling dang / yul dbus dang / rigs rgyal rigs te bzhi la gzigs pa'am / lung ltar na / rigs dang / dus dang / yul dang / rus dang / bud med la gzigs pa dang lngas / 'jig rten la gzigs te mi'i yul du gshegs par rtsom pa na / lha rnams la grogs po dag chos snang ba'i sgo brgya rtsa brgyad po 'di dag ni / rgyal sras 'chi 'pho ba'i tshe bstan par bya'o / /
grogs po dag / dad pa ni chos snang ba'i sgo ste bsam pa mi phyed par 'gyur ro / /
dang ba ni chos snang ba'i sgo ste / sems rnyog ma can dang bar 'gyur ba'i phyir ro / /
zhes pa nas / dbang bskur ba'i sa ni chos snang ba'i sgo ste / mngal du 'jug pa nas mya ngan las 'das pa chen po ston pa'i bar du 'gyur ro / /
zhes pa'i bar du gsungs nas / gang gi tshe na dga' ldan gnas mchog nas / /
'dren pa skyes bu seng ge 'chi 'pho'i tshe / /
lha rnams dag la tshig tu smras pa ni / /
grogs dag bag med spyod pa spang bar gyis / zhes pa la sogs pa gsungs shing rin po che'i cod pan ma pham pa'i dbu la bcings nas grogs po dag /
kho bo ni 'dzam bu'i gling du 'tshang rgyar 'gro ste / khyed la [C:84]ma pham pas chos ston to / /
zhes gsungs pas lha rnams mi dga' bar gyur nas / skyes bu dam pa khyed ni mi bzhugs na / /
dga' ldan gnas 'di mdzes par mi 'gyur ro / /
zhes zer zhing / byang chub sems dpa' 'dzam bu'i gling de ni deng sang 'od srungs rdzogs byed dang / kun tu rgyu gnag lhas kyi bu dang / smra 'dod kyi bu [B:56b]mo'i bu yang dag rgyal ba can dang / mi pham skra'i lwa ba can dang / ky'a ty'a'i bu nog can dang / gcer