[A:73b]nas mi dga' ba rnams kyis bskul te mtshon cha sna tshogs pa 'phangs pas / me tog tu gyur to / /
de nas bdud kyis / khyod kyi bsod nams de tsam gyis thar pa ga la thob tsas smras pa dang / byang chub sems dpas khyod kyis gtan pa med pa'i mchod sbyin gcig byas pas 'dod khams kyi dbang phyug [B:66b]tu gyur pa yin / ngas gtan pa med pa'i mchod sbyin du ma byas so zhes brjod pa dang / bdud kyis / sngon chad kho bos mchod sbyin kha na ma tho med / /
gtan pa med par byas pa khyod 'dir dpang du yod / /
khyod la 'dir ni dpang po gang yang yod min pas / /
smras kyang phan pa ci yod khyod ni pham par gyur / /
byang chub sems dpas smras pa / sa 'di nga yi dpang yin no gsung te / phyag g.yas pa sa la brdabs te / sa 'di 'gro ba kun gyi gnas yin te / rgyu dang mi rgyu snyoms shing nye 'khon med / /
'di ni bdag gi dpang ste bdag brdzun med / /
'di la khyod ni bdag gi dpang byos shig /
ces gsungs pas / sa rnam pa drag tu g.yos pa'i gseb nas / sa'i lha mo brtan ma lus phyed phyung nas / thal mo sbyar te / skyes bu chen po de de bzhin no / /
khyod kyis ji skad smras pa de bzhin te / 'di ni bdag la mngon sum mo / /
'on kyang bcom ldan 'das nyid lha dang bcas pa'i 'jig rten gyi dpang du gyur pa lags so / /
zhes smras te mi snang bar gyur to / /
g.yo can dpung bcas sa sgra de thos nas / /
nags su seng ges sgra bsgrags was thos [C:99]dang / /
bya rog rdo 'phangs nod la byer ba bzhin / /
sngangs skrag snying gas thams cad rab tu byer / /
de nas sdig can yid ma bde nas / /
rang gi bu mo rnams sad du btang ste / de dag gis kyang bzhin phyed 'gebs