[A:73a]mi bya'o / /
zhes yid dam brtan po byas so / /
de'i tshe / lha rnams [B:66a]byang chub sems dpa' bsrung ba'i phyir phyogs bcur 'khod do / /
byang chub sems dpas kyang / byang chub sems dpa' bskul ba zhes bya ba'i 'od bkye ste / zhing dpag med snang bar byas nas / byang chub sems dpa' mang po bsdus nas mchod pa byed do / /
[C:98]de nas bdud la ma sbran par / 'tshang rgya bar mi rigs so snyam ste / smin mtshams nas bdud kyi dkyil 'khor thams cad 'joms par byed pa zhes bya ba'i 'od zer bkye bas bdud kyi gnas thams cad snang zhing g.yos / mog mog por byas te / sems can shin tu dag pa bskal mang spyod spyad pa / /
zas gtsang sras po rgyal srid dag ni rab spangs te / /
phan byed de ni bdud rtsi mngon par 'dod pas byung / /
byang chub shing drung 'ong gis de ring sgrim par gyis / /
zhes pa la sogs pa'i sgra byung zhing / bdud sdig can la'ang rang gnas mun pas khyab pa la sogs pa'i rmi lam so gnyis rmis te / rang gi 'khor la sbran pa dang / bu ded dpon gyis bzlog kyang ma zlogs par / gnod sbyin grul bum lto 'phye chen po'i gzugs / /
srin po yi dwags sha za'i gzugs dang bcas / /
'jigs byed mi sdug drag gzugs ji snyed pa / /
thams cad sgyu yis der ni sprul pa byas / /
zhes pa la sogs pa rnam 'gyur du ma mthong yang / sh'akya'i sras po chos rnams rten 'byung ba / /
dngos po med pa'i ngo bo nyid du rtogs / /
nam mkha' lta bu'i sems dang rab tu ldan / /
dpung bcas g.yo sgyu mthong yang myos pa med / /
de nas bdud kyi g.yas nas byang chub sems dpa' la dga' ba rnams kyis bzlog /
g.yon