[A:74b]mi yi bsam pa rnams kyang 'grub / /
bdud bcom nas ni byang chub myur du reg par 'gyur / /
mya ngan las 'das zhi ba bsil ba'i dngos po thob / /
ces ched du brjod do / /
lha rnams kyis rgya cher bstod nas skyil krung ma bshig par zhag bdun du byang chub shing la gzigs so / /
zhag bdun pa gnyis pa la / /
stong gsum rgyang ring du 'chag go /
gsum pa la / ngas 'dir sdug bsngal mthar phyung ste / byang chub kyi snying po la spyan mi 'dzums par gzigs so / /
bzhi pa la shar nub kyi bar du rgyang mi ring bar 'chag go /
de nas bdud sdig can gyis mya ngan las 'da' bar gsol ba btab kyang / /
gdul bya'i don byas zin gyi bar du mi 'da' bar zhal kyis bzhes te / mya [B:67b]ngan du gyur cing bu mo dga' ma la sogs pa'ang drung du [C:100]song ba na rgan mor mdzad do / /
zhag bdun pa lnga pa la yul ngan chen po byung ste / klu btang bzung gi gnas na bzhugs so / /
drug pa la shing n+ya gro ngha ra skyong du bzhud de / kun tu rgyu rnams la / chos thos pa dang mthong ba dang / /
dben par dga' pa bde ba yin / /
srog chags 'byung po rnams la bsdams / /
gnod pa mi byed 'jig rten bde / /
zhes sogs gsungs so / /
bdun pa la / shing sprol rgya'i drud du bzhugs te / chong pa ga gon dang bzang pos / sprang rtsi dang skyo ma dang / bu ram shing bshus pa dag phul ba dang / lag pas blangs na ma legs / sngon gyi sangs rgyas kyis snod ji lta bur bzhes snyam pa dang / rgyal chen bzhis gser la sogs pa'i lhung bzed phul ba ma bzhes pas / rnam sras la sngon po'i ris kyi lhas byin pa'i rdo'i lhung bzed bzhi yod pa re res bzung ste / me tog gis bkang ste phul bas / phyag brkyangs te / bde bar