[A:75a]gshegs la lhung bzed phul cig dang / khyod ni theg pa mchog gi snod du 'gyur / /
nga 'dra dag la lhung bzed phul ba ni / /
dran dang blo gros nam yang nyams mi 'gyur / /
zhes gsungs te bzhes nas / gcig tu byin gyis brlabs te der blangs so / /
dens ga gon dang bzang pos ba stong gi 'o ma'i nying khu'i spris ma bzhams te / rin po che'i gzhong par blugs te phul ba gsol te / gzhong pa bor ba tshangs khyer ro / /
ston pas kyang / lha yi bkra shis don grub cing / /
phyogs rnams bkra shis byed pa des / /
khyed kyi don rnams 'grub gyur cig /
thams cad myur du mthun par shog /
ces pa la sogs pa'i shis pa brjod de / sbrang rtsi 'byung ba zhes pa'i rgyal bar lung bstan no / /
de nas ston pa thugs las chung ngur bzhugs te / zab cing rdul bral 'od gsal 'dus ma byas / /
bdud rtsi'i chos ni bdag gis thob par gyur / /
bdag gis bstan kyang gzhan gyis mi shes te / /
mi smra nags 'dabs gnas par bya'o snyam / /
[B:68a]zhes dgongs shing / 'jig rten kun la snying rje mtha' yas nga / /
gzhan gyis gsol ba btab la nga mi sdod / /
skye bo 'di dag tshangs la dad pa ste / /
de yis gsol ba btab na 'khor lo bskor / /
snyam ste 'od bkye bas / stong gsum gyi bdag po tshangs pa gtsug phud can gyis shes nas / grogs sbran te tshangs pa 'bum phrag drug cu rtsa brgyad dang bcas pas thal mo sbyar te / ye shes chen po mchog gi dkyol 'khor bsgrubs nas ni / /
phyogs bcu dag tu 'od zer rnam par bkye mdzad de / /
ye shes zer gyis mi yi padma kha 'byed pa / /
smra ba'i nyi ma de ring ci slad btang snyims bzhugs / /
zhes pa la sogs pas bskul bas / cang