[A:7a]rnam mkhyen thob par nges pa'o / /
IBa. dang po ni / shes rab kyi pha rol tu phyin par / stong gsum gyi stong chen po'i 'jig rten gyi khams kyi sems can de dag thams cad dgra bcom pa nyid thob par 'gyur la / dgra bcom pa de dag gi sbyin pa las byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang / bsgoms pa las byung ba'i bsod nams bya ba'i dngos po gang yin pa de la kun dga' po 'di ji snyam du sems / bsod nams kyi phung po de mang ba yin nas / gsol pa / bcom [B:6b]ldan 'das de ni mang lags so / /
bde bar gshegs pa mang lags so / /
bka' stsal pa / kun dga' po de bas kyang su zhig la / byang chub sems dpa' sems dpa' chen pos shes rab kyi pha rol tu phyin pa dang ldan pa'i chos tha na nyin gcig bton na / de bsod nams kyi phung po ches mang du skye'o / /
zhes pa nas / kun dga' po 'di ni byang chub sems dpa' sems dpa' chen po de'i chos kyi sbyin pa ste / nyan thos kyi theg pa ba thams cad dang / rang sangs rgyas kyi theg pa ba'i gang zag thams cad kyi dge ba'i rtsa ba thams cad zil gyis gnon pa'o / /
zhes gsungs so / /
IBb. gnyis pa ni / rgyud bla mar / gang zhig byang chub don du gnyer bas gser zhing nor bus spras pa ni / /
sangs rgyas zhing rdul mnyam pa nyin re chos rgyal rnams la rtag 'bul la / /
gzhan gang [C:9]'di la tshig tsam thos nas kyang ni mos na ni / /
sbyin pa las byung dge ba de las bsod nams ches mang thob par 'gyur / /
blo ldan gang zhig bla med byang chub 'dod pas bskal pa du mar yang / /
lus ngag