[A:7b]yid ni 'bad pa med par tshul khrims dri med srung byed la / /
gzhan gang 'di las tshig tsam thos shing thos nas kyang ni mos na 'di / /
tshul khrims las byung dge ba de las bsod nams ches mang thob par 'gyur / /
gang zhig 'di na srid pa gsum gyi nyon mongs me 'jil bsam gtan ni / /
lha dang tshang gnas mthar son rdzogs pa'i byang chub 'pho med thabs sgom la / /
gzhan gang 'di las tshig tsam thos shing thos nas kyang ni mos na 'di / /
bsam gtan las byung dge ba de las bsod nams ches mang 'thob par 'gyur / /
gang phyir sbyin pas longs spyod dag ni sgrub byed la / /
khrims kyis mtho ris bsgoms pas nyon mongs spong byed la / /
shes rab nyon mongs shes bya kun spong de yi [B:7a]phyir / /
'di mchog nyid de de yi rgyu ni 'di thos yin / /
zhes so / /
IBc. gsum pa ni / mdo sde rgyan las / gang zhig tshig gam don go nas / /
tshigs bcad gnyis 'dzin rab sbyong ba / /
sems can blo ldan mchog de yis / /
yon tan rnam bcu thob 'gyur te / /
khams ni zad par rtas pa dang / /
'chi ba'i tshe na rab dga' thob / /
ji ltar 'dod par skye ba dang / /
kun tu tshe rabs dran pa dang / /
sangs rgyas rnams dang 'aprad pa dang / /
de la theg mchog thos pa dang / /
mos pa blo dang bcas pa dang / /
sgo gnyis byang chub myur thob pa'o / /
zhes gsungs shing / gzhan las kyang mang du gsung mod kyi / mngas?mangs? bas 'jigs pas ma bris so / /
de dag kyang rnam bshad rigs par / /
mdo don che ba nyid thos nas / /
nyan pa dang ni 'dzin pa la / /
nyan pa po ni gus byed pas / /
thog mar dgos pa brjod par bya / /
zhes pa bzhin yin no / /
II. gnyis pa la / A. chos kyi sgra 'jug pa'i yul gyi dbye ba dang / B. chos kyi sgra don dang / C. mtshan nyid dang / D. rab tu dbye ba dang bzhi'o / /
IIA. [C:10]dang po ni / chos zhes pa'i sgra de don bcu la 'jug ste / rnam bshad rigs par / chos ni shes bya lam dang ni / /
mya ngan 'das dang yid kyi yul / /
bsod nams tshe dang gsung rab dang / /
'byung 'gyur nges dang chos lugs la'o / /
zhes pas / chos gang la 'dus byas sam 'dus ma byas sam zhes pa shes bya dang / yang dag pa'i lta ba ni chos yin no zhes pa ltar lam dang / chos la skyabs su song ba zhes pa myang 'das dang / chos kyi skye mched ces pa yid yul dang / btsun mo'i 'khor dang gzhon nu rnams dang lhan cig chos spyod ces pa bsod nams dang / byis pa ni mthong ba'i chos gces par 'dzin pa yin zhes pa tshe dang / chos zhes pa ni 'di lta ste / mdo'i sde dang zhes pa lta bu gsung rab dang / lus 'di rga ba'i chos yin no zhes pa 'byung 'gyur dang / [B:7b] dge slong gi chos bzhi zhes pa lta bu nges pa dang / yul chos rigs chos zhes pa chos lugs te bcu la 'jug go /
de dag kyang gtso che ba'i dbang du byas kyi / der 'dus pa ma yin te / chos kyis chos tshol bar byed de / chos ma yin pas ma yin no / /
zhes pa lta bu rigs pa la chos dang / bsgrub bya'i chos / dgag bya'i chos / zhes pa la sogs pa la'ang 'jug pas so / /
IIB. gnyis pa ni / dharmma zhes pa chos yin la / de'i khams ni dhri dha ra Ne zhes pa 'dzin pas na chos