[A:76a]te zhag gsum lon par rig nas / lnga sde la bstan par bya'o zhes dgongs te / ma ga ngha nas gsal ldan du song ba dang / 'tsho ba pa zhig dang phrad de / gtam mang po byas te / 'tsho ba pas / khyed dbang po ni gsal / pags pa ni dag na / su las tshangs par spyad / bka' stsal pa / nga la slob dpon gang yang med / /
nga dang 'dra ba yod ma yin / /
nga ni gcig pur rdzogs sangs rgyas / /
bsil gyur zag pa med pa yin / /
des smras pa / dgra bcom par zhal gyis 'che'am / bka' bstsal ba /
nga ni 'jig rten dgra bcom pa / /
nga ni ston pa bla na med / /
lha dang lha min dri zar bcas / /
nga yi do zla'i gang zag med / /
des smras pa / rgyal bar zhal gyis 'che'am / bka' stsal pa / gang zag zag pa zad brnyes pa / /
nga 'dra rgyal bar shes par bya / /
[C:102]nga ni sdig pa'i chos las rgyal / /
de bas nye 'gro nga rgyal yin / /
des smras pa / gar bzhud / bka' stsal pa / nga ni b'a ra Na sis 'gro grong khyer gsal ldan song nas ni / /
long ba lta bu'i 'jig rten la / /
mtshungs pa med pa'i 'od bya'o / /
zhes sogs gsungs pas / de bzhin du 'gyur ro / zer te / lhor song ngo / /
ston pa byang du ri ga ya dang lteng rgyas dang tsan dan lar dang / grong khyer kha lo bsgyur nas / gadg'a'i 'gram du gshags so / /
gangg'a'i mnyan pas gru btsas blangs pas / nga la gru btsas med gsungs te nam mkha' la gshags so / /
rgyal po gzugs can snying [B:69a]pos de thos nas / phyis rab byung la gru btsas mi 'dod par byas so / /
de nas b'a ra Na sis byon nas / bsod snyoms bzhes te / zas kyi bya ba byas te / drang srong lhung bar gshegs so / /
lnga sdes ston pa 'byon pa mthong ste / dge sbyong go'u ta ma / lhod pa mang du za ba sbong ba las nyams pa 'di 'ong gis / /