[A:75b]mi gsung gnang ste song ngo / /
[C:101]ston pa yang thugs las chung ba la gzhol ba dang / des brgya byin sbran te / brgya byin gyis / zla ba nya ba gza' las thar pa ltar / /
khyed kyi thugs ni rnam par grol ba lags / /
g.yul las rnam par rgyal ba bzhengs su gsol / /
'jig rten mun par shes rab 'od dbyung gsol / /
zhes gsol bas cang mi gsung ba dang / tshangs pas / kun tu 'tshal bar 'gyur ba mchis lags kyi / /
thub pa khyod kyis chos ni bstan du gsol / /
zhes pa dang / ston pas / skye dgu 'dod pa rnams la bcings / /
rgyun gyis rab tu brtas pa yin / /
ngas ni tshegs ni chen pos rtogs / /
de lta bas na bstan mi phan / /
zhes gsungs so / /
yang ston pa thugs las chung ba la thugs btud pa dang / mi dge ba'i ltas me mi 'bar ba la sogs pa byung ba / gtsug phud can gyis / ma ga ngha 'dir sngon chos ma dag pa / /
dri ma bcas par sems dpa'i smra ba byung / /
de slad thub pa bdud rtsi'i sgo dbye gsol / /
dri med sangs rgyas chos ni nyan cing mchis / /
zhes nan tan du gsol bas / bcom ldan 'das kyis ma nges pa'i sems can la gzigs nas / tshangs pa ma ga ngha yi sems can gang / /
rna ba ldan zhing dad dang ldan [B:68b]gyur pa / /
mi tshe 'du shes rtag tu chos nyan pa / /
de dag la ni bdud rtsi'i sgo dbye 'o / /
zhes zhal gyis bzhes so / /
de nas byang chub shing gi lha chos sred la sogs pas / ston pa chos kyi 'khor lo gang du bskor / b'a ra Na si ru'o / /
de ni skye bo nyung zhing grib ma chung bas / gzhan du rigs so zhes gsol pas / bka' stsal pa / bzhin bzangs dag /
de skad ma zer cig gsungs te / thog mar gdul sla ba su la chos ston snyam pa dang / lhag spyod 'das te zhag bdun lon / ring 'phur 'das