[A:78a]su shes par bya / spang bar bya / mngon du bya / bsgom par bya / zhes bya ba dang / yongs su shes / spangs / mngon du byas / bsgoms / zhes pa'o / /
bskor ba ni gzhan gyi rgyud la go bar byed pa'am / shes par byed pa'i phyir ro / /
dgos pa ni / bzlas pa dang po la kau NDi n+ya dang lha mang po la mthong lam skyes / gnyis pa la kau NDi n+yas dgra bcom / gzhan bzhis mthong lam [B:70b]skyes / gsum pas ni / bzhi pos kyang dgra bcom ste dngos kyi dgos pa'o / /
brgyud pa'am khyad par gyi dgos pa gdul bya gang zag tu 'dzin pa las bzlog nas / 'bras bu bzhi la 'god pa'o / /
bka' bar pa mtshan nyid med pa'i 'khor lo ni gnas bya rgod phung po'i ri la / dus khro lo na re lo sum cu zer ro / /
mchims pa lo nyi shu rtsa bdun no zer ro / /
chag na re so gcig zer ro / /
kha cig lo bcu gnyis so zhes zer ro / /
'khor ni / stong nyid brgya lnga bcu'am / lnga stong gi dge slong dang dge slong ma dang / dge bsnyen pha ma dang / byang chub sems dpa'i 'khor bye ba khrag khrig brgya stong la'o / /
chos ni mtshan nyid med pa'i 'khor lo ste / sher phyin dang bka' bar par gtogs pa rnams so / /
sher phyin la chos kyi bshes gnyen na re / snying po'i don ston pa dang / mngon par rtogs pa'i don ston pa gnyis so / /
dang po don dam stong pa nyid dam rnam thar sgo gsum ston pa ste sher snying la sogs pa'o / /
gnyis pa ni rgyas pa stong phrag brgya pa dang / 'bring gi rgyas pa nyi khri lnga stong pa dang / 'bring gi 'bring khri brgyad stong pa / 'bring gi bsdus pa shes rab khri pa'o / /
bsdus pa'i rgyas pa brgyad stong pa dang / bsdus pa'i bsdus pa