[A:78b]yon tan rin po che sdud pa'o / /
de dag don mngon rtogs brgyad ston par khyad med / tshig rgyas bsdus kyi khyad kho nar zad do zhes / de la bsdus sogs rab dbye ba'i / /
khyad par yod pa kho nar zad / /
ces pa'i 'grel par 'byung ngo / /
[C:105]de la dang po lnga cig car gsungs pa yin te / zhu ba po thams cad mthun par byung zhing zhing dag sbyor du gangg'a'i lha mo lung bstan par mtshungs pas so / /
khyab pa yod de / sangs rgyas gcig gis gang zag gcig yang yang byang chub tu lung ston par mi rigs so / /
'o na klu sgrub lung bstan du ma byung ba dang 'gal zer na / de ni lung bstan tha dad de / kha cig tu bstan pa gsal byed du bstan la / kha cig tu byang chub tu lung bstan pa yin no / /
gangg'a'i lha [B:71a]mo ni byang chub tu lung bstan par khyad par med pas so / /
'i na gleng gzhir 'khor brgya phrag phyed dang bcu gsum zhes dang lnga stong zhes grangs mang nyung 'byung ba dang 'gal zhe na / dge 'dun bgrangs pa dang / gang zag bgrangs pa'i khyad do zhes zer ro / /
stong phrag brgya par byams rtag chos 'phags / mjug sdud bzhi med pa ni / klu sgrub kyis klu'i yul nas gdan ma 'drongs pa yin no / /
'on kyang / gsung gcig nyid du gsungs mod kyi / /
du ma nyid du so sor rig /
ces pa'am / gsung ni gcig gcig gsung mdzad la / /
du ma nyid du rig 'gyur te / /
de ni bdag gi ched du'o zhes / /
thams cad kyis ni rtogs phyir ro / /
zhes pa bzhin du / rang gi blo dbang po rtul 'bring rno gsum gyis tshig rgyas 'bring bsdus gsum du go ba bzhin du / sdud pa pos kyang bsdus pa yin no / /
sdud pa pos de ltar sdud mi nus pa'i skyon med de / sangs rgyas nyid kyi byin rlabs sam rnam