[A:80a]dang / rang bzhin gyis yongs su mya ngan las 'das pa nyid las brtsams nas / theg pa thams cad la yang dag par zhugs pa rnams la legs par rnam par phye ba dang ldan pa ngo mtshar rmad du byung ba'i chos kyi 'khor lo gsum pa bskor ro / /
bcom ldan 'das kyis chos kyis chos kyi 'khor lo bskor ba 'di ni / bla na ma mchis pa / skabs ma mchis pa / nges pa'i don lags te rtsod pa'i gzhi'i gnas su gyur pa ma lags so / /
zhes gsungs so / /
[C:107]dgos pa mtha' gnyis su dogs pa bsal nas dbu ma'i lam la 'god pa'o / /
dbu ma pa rnams bka' dang po dang tha ma gnyis dgongs pa can / bar pa nges don du 'dod do / /
sngar gyi lung ni dgongs pa can du 'chad do / /
kha cig bka' dang po gnyis kyi 'gal spong du 'chad de / kun rdzob tu ni thams cad yod / /
dam pa'i don du yod ma yin / /
des na dngos po gcig nyid la / /
yod dang med pa ji ltar 'gal / /
zhes lang kar gshegs par gsungs so / /
zer te / de ni dbu ma'i bzhid gzhung yin gyi / sems tsam gyi min te / don dam du bden pa gcig kyang med pa sems tsam pas mi 'dod do /
nyan thos dang dbu ma'i lta ba'i 'gal ba sems tsam gyis spang mi nus so / /
kha cig dang po bden pa bzhi'i 'khor lo / /
gnyis pa bden pa gnyis kyi 'khor lo / /
tha ma bden pa ma bzhag pa'i 'khor lo zer te / tha mar bden bzhi'am / bden gnyis rnam par bzhag pa tshad mas grub bo / /
kha cig tha ma theg pa sna tshogs bstan pas theg pa sna tshogs kyi 'khor lo ste / rgya che rol par / ji ltar [B:72b]sgyu ma smig sgyu dang / /
rmi lam chu zla brag ca dang / /
'dra ba'i chos tshul sna tshogs kyis / /
chos