[A:79b]gnyis don dam du yod par bstan pas / mtha' gnyis su 'dzin pa zlog pa nges don rtsod med yin / dang po gnyis drang don rtsod pa can yin no / /
zhes sems cam pa 'dod do / /
dgongs pa nges 'grel las / de nas bcom ldan 'das la don dam yang dag 'phags kyis 'di skad ces gsol to / /
bcom ldan 'das kyis dang po yul b'a ra Na ser drang srong lhung ba ri dgas kyi nags su nyan thos kyi theg pa la yang dag par zhugs pa rnams la 'phags pa'i bden pa bzhi rnam par bstan pas chos kyi 'khor lo ngo mtshar rmad du byung ba sngon lhar gyur pa'am / mir gyur pa sus kyang chos dang mthun par 'jig rten du ma bskor ba gcig rab tu bskor te / bcom ldan 'das kyis chos kyi 'khor lo bskor ba de yang / bla na mchis pa / skabs mchis pa / drang ba'i don / rtsod pa'i gnas su gyur pa lags / bcom ldan 'das kyis chos thams cad ngo bo nyid ma mchis pa nyid las brtsams / skye ba ma mchis pa dang / 'gag pa ma mchis pa dang / gzod ma nas zhi ba dang / rang bzhin gyis yongs su mya ngan las 'das pa nyid las brtsams nas theg pa chen po la yang dag par zhugs pa rnams la stong pa nyid smos pa'i rnam pas ches ngo mtshar rmad du byung ba'i chos kyi 'khor lo gnyis pa bskor te / [B:72a]bcom ldan 'das kyis chos kyi 'khor lo bskor ba de yang bla na mchos pa / skabs mchis drang ba'i don rtsod pa'i gzhi'i gnas su gyur pa lags / bcom ldan 'das kyis chod rnams kyi ngo bo nyid ma mchis pa nyid las brtsams / skye ba ma mchis pa dang / 'gag pa ma mchis pa dang / gzod ma nas zhi ba