[A:81a]kun dga' bo la mya ngan las mi 'das bar gsol bar bskul ba'i phyir du / kun dga' bo gang su yang rung / rdzu 'phrul [B:73a]gyi rkang pa bzhi la brten bsgoms mang du byas pa de 'dod na / bskal pa'am bskal pa las lhag gi bar du yang 'dug go /
de bzhin gshegs pas rdzu 'phrul gyi rkang pa bzhi la brten bsgoms mang du byas pas na / de bzhin gshegs pa bzhed na / bskal pa'am bskal pa las lhag pa'i bar du yang bzhugs so / /
zhes lan gnyis lan gsum gyi bar du bskul yang / kun dga' bo bdud kyis khebs pas cang mi zer ro / /
de nas bdud sdig can gyis mya ngan las 'da' bar gsol ba btab pas / zla ba gsum nas 'da' bar zhal gyis bzhes so / /
de nas bcom ldan 'das kyis 'tsho ba'i 'du byed ni byin gyis brlabs tshe'i 'du byed ni spangs so / /
de'i tshe sa g.yos skar mda' lhung / phyogs tshig /
bar snang gi lha rnams rnga brdung bar gyur to / /
de'i rgyu zhus pas / sa g.yo ba'i rgyu brgyad gsungs pas / kun dga' bos bcom ldan 'das kyis tshe'i 'du byed spangs par rig nas / gsol ba btab kyang ma gnang ngo / /
de nas tsa ba li'i dge 'dun rnams la gdams pa gsungs nas / yangs pa can nas byon te / g.yas phyogs kyis gzigs te / bri dzi'i grong gi byang du shing sha ba'i tshal du byon no / /
der dge slong rnams la bslab pa gsum gsungs nas rim gyis longs spyod kyi grong gi byang / shing sha ba'i tshal du byon zhing / sa g.yos pa myur du mya ngan las 'da' ba'i rgyur bstan nas / mdo sde la 'jug /
'dul ba la snang / chos nyid dang mi 'gal na chos