[A:81b]su gzung la / de lta min na mi gzung ngo zhes bka' stsal to / /
de nas sa pa'i grong du mgar ba'i bu tsun da las bsod snyoms kyi tha ma bzhes te / chos bstan nas / grong khyer rtswa can du song ste / sdig pa can dang / chu bo dbyig ldan gyi bar du gzims shing kun dga' bos chu bo ka ku ta las chu rnyog ma can blangs te drangs [B:73b]pas / zhal bshal / zhabs bkrus pas / bde bar gyur nas bzhengs te / gyad kyi sna chen po la gtogs pa g.yung po dad par mdzad nas g.yung po las ras bcos bu gser ltar ser ba zung gcig bzhes te / kha tshar bcad nas gsol bas sku'i kha dog shin tu gsal bar snang nas / de'i rgyu zhus pas / do nub mya ngan las 'da' ba'i rgyu ra gsungs [C:109]nas / chu bo dbyig ldan du khrus mdzad de / tsun da'i 'gyod pa sel ba'i thabs gang gis bsod snyoms gsol nas / sangs rgyas pa dang / mya ngan 'das par gyur pa gnyis bsod nams mnyam par gsungs so / /
kun dga' bos 'dun pa ji ltar gdul zhus pas tshangs pa'i chad pas bsdigs / de nas skyo bar bya / de nas k'a ty'a ya na la lung nod du gzhug go /
zhes gsungs nas rtswa can du gshegs pa'i lam du bsnyung ste gzims so / /
de nas kun dga' bos byang chub kyi yan lag smras pas bzhengs te / grong khyer rtswa can gyad gyi yul dang nye bar / shing s'a la zung gi bar du khri bcas phangs byang du bstan pa la glo g.yas pa phab / zhabs kyi steng du zhabs gzhag nas / snang ba'i 'du shes dang dran shes bzhin dang mya ngan las 'da' ba'i 'du shes mdzad nas gzims so / /
kun dga' bo ni khri la 'jus te ngu zhing smre sngags 'don pa la / ngo mtshal ba'i