[A:85b]de bzhin smras pas / de bzhin bya'o zhes zer nas / sku gdung cha brgyad du bgos te / rtswa can gyi gyad nas dpyar byed kyi bar la byin pas / de dag gi rang rang gi yul du mchod rten brtsigs nas mchod pa dang dus ston chen po byas so / /
sgra sgrogs pa'i skal ba klus phrogs te klus mchod do / /
gdung bcug pa'i bum pa bre bo dang mnyam pa la byin pas / bre bo dang mnyam pa'i grong khyer du mchod rten brtsigs so / /
n+ya gro dha skyes la sku gdung gi sol ba byin pas / bram ze'i khye'u des / n+ya gro dha'i yul du mchod rten brtsigs te / mchod pa dang dus ston chen po byas te / de'i tshe mchod rten bcur gyur / tshems mche ba bzhi dang bcu bzhi'o / /
spyan ldan sku gdung bre bo brgyad dag las / /
bdun ni 'adzmbu'i gling pa'i mchod par thob / /
skyes bu mchog de'i bre bo [B:77a]gang zhig ni / /
grong khyer sgra sgrogs klu yi rgyal [C:114]pos mchod / /
skyes mchog de yi mche ba bzhi dag las / /
mche ba gcig ni rtsa gsum 'jig rten mchod / /
gnyis pa tshig 'dzin grong khyer yid 'ong na / /
gsum pa ka ling rgyal po'i yul na ste / /
skyes mchog de yi mche ba bzhi pa ni / /
grong khyer sgra sgrogs klu yi rgyal pos mchod / /
mya ngan med rgyal skya nar bur gnas pas / /
mchod rten bdun po rgya cher spel byas te / /
de yi mthu yi dbyig 'dzin 'dir yang ni / /
smon lam dngos pos mngon par brgyan gyur te / /
'di ltar spyan ldan sku gdung de la ni / /
lha dbang klu dbang mi yi dbang po dang / /
mi dang klu dang gnod sbyin bdag po yis / /
rab tu bkur nas bkur sti mchod pa byas / /
rab mkhyen thugs rjer ldan pa stobs mnga' ba / /
sh'ak 'khrungs ma ga dhar ni byang chub ste / /
ka shir chos kyi 'khor lo bskor gyur nas / /