[A:85a]rnams la'ang sbyar ro / /
ma ga dha'i ma skyes dgras kyang de rnams sku gdung gi skal ba len du song zhes thos nas / chas te / glang po che la zhon pa dang / ston pa'i yon tan dran te brgyal lo / /
de nas dbyar byed btang ste / nga'i bkas gyad rnams la gnod pa chung ngam / nyam nga ba chung ngam / bskyod pa yang ngam / 'tsho'am / stobs dang ldan nam / bde ba la reg par [B:76b]gnas sam / zhes dris la / ston pa ni nged la yun ring po nas phangs shing / bla mar gyur pa yin te / de khyod kyi grong gi nye 'khor du 'das pas / gdung gi skal pa nged la byin cig /
rgyal po'i khab tu mchod rten brtsigs nas mchod pa dang / dus ston bya'o zhes smras shig /
de nas dbyar byed kyis / de bzhin byas pa dang / gyad rnams na re / nged kyang da bzhin byed zer ro / /
'o na dmag gis dbrog go zhes byas pas / de bzhin bya'o zer te / gyad kyi chung ma dang gzhon nu rnams kyis kyang 'phongs bslabs te / gzhan gyi dpung yan lag bzhi dang 'thab pa'i phyir / gyad rnams yan lag bzhi go bskon te phyir byung ngo / /
de'i tshe / bram ze'i rigs bre bo dang mnyam pas de dag 'thab na / gcig 'chi bar rig nas / tswa can gyi gyad rnams la smras pa / ston pa ni yun ring po nas bzod pa dang ldan pa / bzod pa'i bsngags pa brjod pa yin pa la / sku gdung gi phyir / gcig gis gcig gsod par mi rigs kyis / bdag gis sku gdung cha brgyad du bgos la sbyin bum pa la kho bos mchod pa bya'o / /
zhes smras pas / gyad na re de bzhin bya'o zer ro / /
de nas sdig can gyi gyad nas dbyar byed kyi bar la