[A:86b]nas nad gsos pa na / pha shi ba min par shes kyang / brdzan gyi nyes par mi 'gyur ba bzhin du gsungs [C:113]shing / gser 'od las kyang / sangs rgyas mya ngan yongs mi 'da' / /
chos kyang nub par mi 'gyur te / /
sems can yongs su smin mdzad phyir / /
yongs su mya ngan 'da' bar ston / zhes pa dang / mdo sde rgyan nas / ji ltar me ni gzhan du 'bar / gzhan du zhi bar 'gyur ba ltar / /
de bzhin sangs rgyas sems can la / /
snang dang mi snang shes par bya / zhes gsungs shing / mdo sde rgyan nas / sprul sku rgyan gyi rtag par byed pa'ang / yang yang zas sbyin pa la / rtag tu zas sbyin zhes pa ltar yang yang sprul pa ston pas rtag pa ste / 'dir mya ngan las 'das kyang / gzhan na ma 'das par bzhugs shing / 'dir sangs rgyas kyi skur snang ba'i gdul bya med pas 'das kyang / brgya byin la sogs pa'i gzugs kyi gdul bya rnams yod pas ma 'das so / /
dpa' bar 'gro ba'i ting nge 'dzin gyi mdo las / da lta shar phyogs na / sangs rgyas kyi zhing rnam par spud pa na sangs rgyas rnam par snang mdzad 'od zer gyis brgyan pa rnam par 'phrul pa'i rgyal po zhes bya ba tshe bskal pa grangs med pa bdun brgya thub pa de / ston pa 'di yin par [B:78a]bshad cing / gling bzhi pa bye ba phrag brgya na / la lar bltams pa dang / la lar sangs rgyas pa dang / la lar chos kyi 'khor lo bskor ba dang / la lar mya ngan las 'da' bar gsungs pas so / /
des na sgrib pa ma lus pa spangs pas / mya ngan las ma 'das pa min / mdzad pa ma rdzogs pas 'das pa'ang min te / theg chen bsdus par / sgrib pa kun las nges grol phyir / /