[A:87a]mdzad pa rnams kyang ma rdzogs phyir / /
zhes pas so / /
'o na / dgung lo du la 'das she na / kha cig kun tu rgyu rab bzas dang / dri za rab dga' 'dul ba la / lo re re bzhugs pa'am / tsun das gsol ba btab pas / lo gnyis nur te / brgyad cu rtsa gnyis la 'das zer te / khungs ma mthong ngo / /
mchod rten brgyad kyi bstod par / tsun das gsol btab zla ba gsum du bzhugs / /
zhes pa dang 'gal lo / /
'dul 'dzin kha cig /
phran tshegs las / brgyad cu rtsa bzhi la 'das par bshad zer te / phran tshegs ma mthong bar zad de / phran tshegs las / kun dga' bo de bzhin gshegs pa ni na tshod brgyad cu lon te / sku bgres 'khogs gtugs par gyur te / zhes gsungs so / /
des na brgyad cu la 'das pa yin te / gser 'od las / sku tshe brgyad cu zhig thub ste / zhes pa dang / snying rje pad dkar las / tshe'i lnga cha stong bar gsungs shing / gzhan yang mdo mang po las brgyad cur bshad la / bye brag tu bshad pa las kyang / chos bskor gnas dang yangs pa can / /
sa dkar can dang lha yi gnas / /
byis pa gsod dang kau sh'am b'i / /
'brog dang mchod rten ri dang ni / /
[C:116]'od ma'i grong dang sgrar bcas dang / /
ser skya'i gnas kyi grong khyer du / /
'di rnams su ni thub pa yi / /
skyes mchog lo re lo re bzhugs / /
nyi shu rtsa gsum mnyan yod du / /
sman gyi nags su lo bzhi ste / /
'bar ba'i [B:78b]phug gi gnas su gnyis / /
rgyal po'i khab kyi grong du lnga / /
dka' ba sbyod pa lo drug ste / /
nyi shu rtsa dgu khab gnas su / /
rgyal ba de ltar brgyad cu la / /
thub mchog dam pa mya ngan 'das / /
zhes bshad do / /
dus ni mya