[A:89b]par ma gyur tam / sum cu rtsa gsum na dbang phyug dpag bsam gyi shing dri zhim pa byang chub yan lag gi me tog gis mdzes par byas pa / dge sbyong gi 'bras bu bzang po bzhi dang ldan pa / mi rtag pa'i glang po che smyon pas ma bcom mam / ye shes kyi sgron ma mi rtag pa'i rlung gis bdas nas yongs su mya ngan las ma 'das sam zhes dris pa dang / gang pos / blo ldan bstan pa gnas bya'i phyir / /
nyan thos dge 'dun tshogs nas ni / /
de [C:119]dag der ni 'dus gyir te / /
khyod la sdod cing de brtson byed / /
gru chen rgyal ba de zhig ste / /
ye shes ri yang rnam par nyil / /
bstan pa rab mchog ldan pa [B:80b]yi / /
dge slong mang po rnam par zhi / /
gyi na ma lags legs par ni / /
bdag ni pho nyar 'dir 'ongs nas / /
bstan la gnas par bya ba'iphyir / /
debs khyod ni ngis par bzhud / /
des smras pa / gang po chog gi 'gro ba'i dus min no / /
'gro ba'i sgron me mgon po bzhugs pa der / /
bdag ni 'gro bar bya ba'i blo yod kyang / /
de ni pha rol rab zhir gshegs gyur na / /
blo ldan gang zhig 'jig rten de dag 'gro /
lhung bzed chos gos rnams gsum mchog 'di dag /
khyod kyis dge 'dun dag la dbul bar gyis / /
bdag ni zhi ba yang srid med par 'gro / /
bdag gi bsam pa 'phags la bzod par gsol / /
zhes smas te / rdzu 'phrul bstan te 'das so / /
de'i lus la rang byung ba'i mes tshig cing / de las chu rgyun bzhi bab pa la / tshigs su bcad pa bzhi byung ste / da lta dus rnams ngan gyur te / /
sems can rang gi las la brten / /
'gro ba'i sgron ma de 'das pas / /
thams cad 'gro bar 'jug par rtogs / /
'dus byas bsags pa'i skad cig 'jig