[A:8b]dang / spyi'i mtshan nyid 'dus byas thams cad mi rtag /
zag bcas thams cad sdug bsngal / chos thams cad bdag med / mya ngan las 'das pa thams cad zhi ba zhes pa'i spyi'i mtshan nyid 'dzin pas so / /
yid kyi yul ni rang gi mtshan nyid 'dzin pa'am / yid 'dzin pas chos so / /
tshe ni lus 'dzin pa'am rigs mthun 'dzin pas chos so / /
gsung rab ni / rnam bshad rigs par / chos ni mdo la sogs pa ste / rigs pa ston pa'i don dang don phyin ci ma log par nges par 'dzin pa'i don gyis so / /
zhes so / /
'byung 'gyur 'dzin pa dang nges par bya dgos pa'i bya ba byed pas 'dzin pa dang / yul dang rigs kyi spyod pa 'dzin pas yul chos la sogs pa'o / /
lam dang mya ngan las 'das pa dang bsod nams gsum ni / ltung ba las 'dzin pas chos yin la / de la ngan 'gror ltung ba las 'dzin pa dang / 'khor bar ltung ba las 'dzin pa gnyis so / /
dang po ni / ched du brjod pa'i tshoms las / 'jig rten 'di dang pha rol tu / /
chos spyod pa ni bde bar nyal / /
zhes pa lta bu las 'bras la yid ches [B:8a]pa'i dad pas / 'jig rten pa'i yang dag [C:11]pa'i lta ba la brten nas / dge ba bcu spyod ba'am / 'jig rten pa'i bsam gtan gzugs med kyi ting nge 'dzin bsgoms pa lta bu / de dag gis ngan song du ltung ba las 'dzin pa'i phyir chos zhes bya la / phyi ro la pa kha cig la'ang yod do / /
'khor bar ltung ba las 'dzin pa ni / nang pa'i skyabs gnas te / 'dod chags dang bral ba rnams kyi mchog chos zhes pa myang 'das dang / de thob byed lam bden 'khor