[A:9a]dang bcas pa'o / /
theg chen gyi lam dang myang 'das dang gsung rab ni theg dman du ltung ba las 'dzin pa ste / rang bzhin med rtogs kyi shes rab dang brtse ba dang snying rje chen po sogs zung du 'brel bas srid zhir ltung ba las 'dzin pa yin no / /
bye brag tu dang pa'i chos kyi sgra don ni / dam pa rdzags pa'i sangs rgyas yin la / des bstan pa'i chos yin pas dam pa'i chos zhes sam / dam pa ni mchog tu gyur pa yin la chos kyang yin pas dam pa'i chos te gzhi mthun pa'o / /
yang na skyes bu dam pas spyad par bya bas dam pa'i chos te / dge slong gi chos bzhi bzhin no / /
IIC. gsum pa ni / 'dir gtan la dbab par bya ba ni / bsod nams dang lam dang myang 'das brjod bya'i gtso bor byas la / gsung rab rjod byed du byas pa dam pa'i chos yin la / de'i mtshan nyid ni gang la dmigs na lus can rnams kyi sgrib pa zad pa'i thabs su 'gyur ba ste / ji skad du sdug bsngal dag ni thams cad dang / /
sgrib kun sel byed dam pa'i chos / /
zhes gsungs so / /
de la dbye na / rtogs pa'i chos dang lung gi chos gnyis te / mjod las / ston pa'i dam chos rnam gnyis te / /
lung dang rtogs pa'i bdag nyid do / /
zhes pas rtogs pa'i chos kyi mtshan nyid gang zhig gang gis / 'dod chags dang bral ba ste / gang zhig gang gis chags zhes rgyad blar bshad do / /
de la gang zhig 'dod chags bral ba / /
bden [B:8b]gnyis mtshan nyid can de chos / /
chags bral nyid ni 'gog pa dang / /
lam gyi bden pa dag gis bsdus / /
dang bral ba 'gog bden dang / gang gis 'dod chags dang bral byed lam bden gnyis las / 'gog