[A:90a]'gyur te / /
skye la sogs pa sdug bsngal nyon mongs ldan / /
so so skye po bdag tu nga rgyal te / /
de dag byed pa med par rig par bya / /
mkhas pas rtag tu dgongs pas bag yod cing / /
bsod nams yid la bya ba de brtson bya / /
'byung po'i tshogs kun song zhing 'jig gyur te / /
srog dang bcas pa'i dpal ni g.yo bar gyur / /
thub pa de la blo mchog yang dag btud / /
rang gi dgongs pa ma lus thams cad byas / /
gus shing rab tu dad pas bla ma de'i / /
phyi bzhin ba lang bdag kyang de ltar song / /
de nas gang pos rdzu 'phrul gyis dge 'dun 'dus pa'i nang du phyag byas te / lhung bzed la sogs pa phul nas / mgon po'i sku ni med par des thos nas / /
bsod nams las kyis rab tu zhi bar song / /
de yi lhung bzed chos gos 'di yin te / /
de bsam dge 'dun dag [B:81a]la bzod par gsol / /
de nas 'od srungs chen pos / dge slong dag nyon cig /
ji ltar de ni 'phags pa'i tshul gyis 'das / /
gzhan gyis de bzhin rab zhir 'gro mi bya / /
de bas ji srid dgos pa'i don bya zhing / /
dbang can tshogs nas de srid bgro bar bya / /
ji ltar bsod nams las kyi gzhir gyur pa / /
shir sha [C:120]ka yi sems mchog ba lang bdag /
de ltar khyed kyis de bzhin mi bsam ste / /
'gro don dgongs phyir tshogs nas blo gros bya / /
zhes khrims su bcas nas smras pa / 'dir chos kyi tshul bshad na dge slong mang po 'ongs na g.yeng bar byed pas ma ga nghar 'gro'o / /
legs so zer nas slob pa'i dge slong gzhan bzlog cing / kun dga' bo chu'i zhal ta bar bskos nas / kun dga' bo dge 'dun dang bcas pa ljongs