[A:91b]rkang pas brdzis so / /
de 'then pa'i grogs med do / /
de nas mkhar dor na lhas 'dzin te tshul shing zhog cig /
yang rnyog chu drangs so / /
de chu bo ka ku ta la shing rta lnga brgyas phyin nas rnyog par gyur to / /
de nyid nyes te / nam mkhar bzung na lhas chu yan lag brgyad ldan ldugs [C:122]pas / tshul shing zhog cig /
yang tshul khrims phra mo dang phran tshegs dag 'dod na dge 'dun gyi phyir glod la / bde ba la reg par gnos shig ces 'byung ba na phran tshegs gang [B:82b]lags zhes ma zhus so / /
de la ltung ba sde lnga man chad dang / so sor bshags pa man chad dang / ltung byed man chad dang / spang ltung man chad dang / ma nges pa man chad phran tshegs su gsungs pas de la brten nas kha cig pham pa bzhi las mi bsrung / kha cig ma nges pa man chad las mi bsrung bas / mu stegs kyis skabs rnyed cing 'phya bas nyes so / /
de ston pa dang bral ba'i mya ngan gyis non no / /
de nyid nyes pas tshul shang zhog cig /
yang khyim pa dang bud med la 'doms kyi sba ba sbubs su nub pa bstan no / /
de bud med kyi mtshan dang bral lam snyam pa'o / /
de nyes pas tshul shing zhog cig /
yang sku bud med la bstan pas mchi mas dri ma can du gyur to / /
de sku de lta bu de mthong na / sems can rnams sems bskyed par 'gyur ram snyam mo / /
de nyid nyes pas chags pa cung zad dang ldan pas 'dod chags dang bral ba mchog 'dus pa'i nang du ma 'dug par songs shig / de nas kun dga' bos phyogs bzhir bltas te / snying rje ba dang sdug bsngal ba'i sems gyis dal bus smras pa / kye ma nga'i dus ni 'di 'dra ste / bdag de bzhin gshegs pas ni spangs / mgon skyabs dang snang ba yang