[A:92a]su la bsten par bya / de'i tshe lhas kye ma lha rgyal / lha min dmas bstan pa rgyas te ston pa dang 'dra ba'i nyan thos kyis ston pa dang 'dra ba'i nyan thos la spyos so zhes so / /
de nas kun dga' bos / 'od srungs bzod pa mdzod cig /
de ltar chos bzhin bgyid cing slan chad mi bgyid mod kyi / ston pas bdag khyod la gtad do / /
kun dga' bo khyod mya ngan ma byed cig khyod 'od srungs chen po la gtad do / /
khyod nyes pa chung ngu la mi bzod pa ma byed par / bka' bzhin byos shig gsung ngo / /
des kun dga' bo khyod ma ngu bar / khyod kyi dge ba'i chos 'phel bar 'gyur gyi / 'grib par mi 'gyur ro / /
ngas khyod bstan pa la brtson pa'i phyir / chad pa bcad do zhes smras so / /
de nas ma 'gags pas [B:83a]'od srungs la / kun dga' bo med na bka' ji ltar bsdu / des kun dga' bo yon tan dang ldan yang lhan cig mi gnas so / /
de ni 'dod chags la sogs pa dang bcas pas bslab dgos te ltan cig bzlas pa mi bya'o / /
de nas kun dga' bo khyod song zhig /
khyod brtson pas dgra bcom par gyur na / lhan cig yang dag par bzlas pa bya'o / /
de nas kun dga' bo mig mchi mas gang bzhin du / ston pa dang bral bas yid mi dga' bzhin de [C:123]nas song ste / bri dzi'i grong du song nas / bri dzi'i bus g.yog byas te chos 'chad pa'i tshe / bri dzi'i bus mkhan po'i sems la bltas nas / go'u ta ma bag med ma mdzad par / /
shing drung thibs po bsten na mya ngan 'da' / /
thugs la bzhag ste bsam gtan mdzod cig dang / /
ring por mi thogs zhi ba'i gnas thob 'gyur / /
de ltar spong byed bu yi gdams ngag las / nyin mo dang