[A:93b]gis ma tshang bas gzhung du byas te / phung po dang ldan pa ni phung por skye mched dang ldan pa ni skye mched du / rten 'brel dang / 'phags pa'i bden pa rig pa dang ldan pa ni gleng gzhi dang ldan par / nyan thos kyi bshad pa mang ba de ni nyan thos kyi bshad par / sangs rgyas kyi ni sangs rgyas kyi bshad par / byang phyogs dang ldan pa ni lam gyi yan lag tu / brjod pa mang ba ni yang dag par brjod pa'i sder / tshigs bcad mang ba ni yang dag par ldan pa'i ming du / lung ring po ni ring por / bar ma ni bar mar tshig gcig la sogs pa ni gcig las 'phros pa'i lung zhes bsdus te bzhag go /
de nas 'od srungs kyis kun dga' bo la lung de snyed cig gam / de snyed cig lags te 'di las lhag pa med do / /
zhes smras nas / khri las babs ste sa la 'dug go /
de nas nye bar 'khor la spro ba byas te / gsol gnyis kyi las kyis 'dul ba bsdu bar bskos te / nye bar 'khor seng ge'i khri la bzhag nas / bcom ldan 'das kyis bslab gzhi dang po gang du bcas w'a r'a Na sir ro / /
gang gi don du na lnga sde'i don du sham thabs zlum por bgo bar bya'o zhes bcas so / /
de nas dgra bcom pa rnams kyis mngon shes kyis bltas zhes pa nas / chos so snyam ste bslab gzhi gnyis pa gang du bcas / w'a r'a Na sir lnga sde la chos gos zlum por bgo bar bya'o / /
zhes sogs nas sngar bzhin no / /
bslab gzhi gsum pa gang du bcas / ka lan da ka'i grong du bzang sbyin la mi tshangs spyod pham par bcas pa nas / pham pa dang / lhag ma dang / [B:84b]ma nges pa dang / spang ltung dang / ltung byed dang so sor bshags