[A:96b]krung gcig gis lung pa dgu'i mdo non pa'i sa de phul te / 'khor ji snyed mnga' / dgra bcom pa lnga brgya'o / /
des de la gcig gis ma tshang na yang gnas dbrog go /
gnas brtan gyis / de lta mod kyi sbyin bdag gnas par len ba yod pas / khyim bdag kyang gzhug par bya'o / /
de nas skye bo'i tshogs bcug cing / de dag spel ba'i phyir / ri spos kyi ngad ldan du phyin nas gur kum bton nas / klu rnams 'khrugs pa dang de dag btul ba dang / klu rnams kyis bstan pa ji srid gnas / gnas brtan gyis lo stong ngo / /
de dag gis ston pa'i bstan pa gnas kyi bar gnang ngo / /
gnas brtan gyis de bzhin du gyur cig ces smras so / /
de ltar kha cher bstan pa bzhag ste mya ngan las 'das so / /
sha na'i gos can gyis nyer sbas la / des dhi dhi ka la / des nag po la / des legs mthong la bstan pa gtad de / mya ngan las 'das so / /
bsdu ba gnyis pa ni / ston pa 'das nas lo brgya dang bcu lon pa na yangs pa can gyi dge slong rnams kyis rung ba ma yin pa'i gzhi bcu / a la la dang rjes su yi rang spyod pa dang / brtags pa dang ni lan tsha dag dang lam dang ni / /
sor mo gnyis kyis rung dang dkrugs dang gding ba dang / /
gser dngul byas pa 'di ni bar sdoms yang dag bsdus / zhes pa de dag kun tu spyod do / /
de'i tshe yangs pa can na dgra bcom pa thams cad 'dod ces pa rnam thar brgyad ldan zhig [B:87a]snying las chung ngur 'dug go /
grong khyer nor can na dgra bcom pa grags pa 'khor lnga brgya dang bcas pa ljongs rgyu zhing yangs pa can du phyin nas rnyed pa bgod pa dang thug ste / rnyed pa'i skal ba chen po byung ste / dris pas rung ba