[A:96a]po che la thugs rje mdzad / /
thub pa 'dis ni mya ngan mun bsal nas / /
rab zhi bstan par yangs pa can du gshegs / de nas li tsa byi rnams kyang gang g'ar song ngo / /
de'i tshe drang srong zhig 'khor lnga brgyas bskor te / rab tu 'byung bar zhus pas / kun dga' bos gangg'a'i dbus su gling sprul te / der bsnyen par rdzogs pas dgra bcom par gyur nas / dus dang gnas gyi dbang gis nyi ma gung pa'am chu dbus pa zhes grags so / /
kun dga' bo'i sngon la 'da' bar zhus pas / kha che ni bsam gtan dang mthun pa dang gnas mal gyi mchog tu dang / nga 'das nas lo brgya na dge slong nyi ma'i gung zhes pas bstan pa 'jog go /
zhes lung bstan pas / de bzhin gyis shig /
des de bzhin bgyi'o zhes so / /
de nas kun dga' bos cho 'phrul sna tshogs bstan te mya ngan las 'das te / lus phyed yangs pa can pas / phyed ma skyes dgras thob ste / ye shes rdo rje rnon po yis / /
rang gi lus kyi ri bcom ste / /
phyed ni mi yi dbang por byin / /
phyed ni thub pa'i tshogs la byin / /
de nas yul [B:86b]yangs pa can dang skya nar bur mchod rten brtsigs so / /
de nas nyi ma'i gung pas ston pa'i lung bstan dang mkhan po'i gsung bsgrub pa'i phyir / kha cher song ste / skyil krung bcas te mnyam par bzhag pas / klu 'khrugs te / sa g.yos rdzi char drag po phab kyang / chos gos kyi mtha' yang ma g.yos / mda' mtshon gyi char phab pa / me tog tu bsgyur bas / klu rnams ngo [C:128] mtshar te / bka' ci stsal zer dang / ston pas lung bstan pas / gnas 'di nga yi yin no / /
gsung ste skyil