[A:97b]du mang po la [B:87b]ltung byed du'o / /
nad pas ni srin bu pad ma bzhin du chang bzhibs te / 'thungs nas nad pas rung bar byed de / mnyan yod du legs 'ongs la ltung byed du'o / /
bsres pas rung ba ni 'o ma bre gang dang / zho bre gang dkrugs nas dus min du zos nas rung bar byed de / de mnyan yod du mang po la ltung byed du'o / /
gding ba ni gding ba rnying pa bde bar gshegs pa'i mtho gang gis 'khor bas sar pa la ma glan par spyod de / mnyan yod du mang po la ltung byed du'o / /
gser dngul ni lhung bzed dri zhim pos bskus te dge sbyong gi mgo'i steng du / khri'u stan dang bcas pa'i steng du bzhag nas / lam srang dang bzhi mdor lhung bzed 'di ni bzang ste 'dir byin nam blug na 'bras bu chen por 'gyur ro / /
zhes byas pas gzhan gyis der gser dngul blug pa longs spyod de / drug sde la sogs pa la spang ltung du bcas so / /
de nas thams cad 'dod na re / khyod song la phyogs tshol cig /
ngas chos bzhin grogs bya'o / /
de nas grags pas grong khyer nor can gyi g.yo ldan dang / sang ka sha'i nor can dang / dmar bu can gyi zla sgur 'gog snyoms mdzad pas yid dga' la dang / sug na na ma pham pa dang / ma he ldan na yang dag skyes dang / lhan cig skyes na nam gru gnas pa la / lngar bzhin brjod pas / des khyod ngal sos la / ngas phyogs btsal lo zhes te phyogs tshol du song so / /
de nas yangs pa can gyi dge slong rnams kyis grags pa'i slob ma la mkhan po gar song dris pas / khyed cag gnas nas dbyung ba'i las byed pa'i phyogs 'tshol lo / /
de dag gis smras pa / de legs pa ma yin pa byed de /