[A:98a]ston pa 'das pa'i gsung rab la / rnam pa de dang de dag gis 'tsho ba rung na nged rnams la ci'i phyir mtho 'tsham / gzhan zhig gis smras pa / khyed rung ba ma yin pa spyod cing / [C:130]bstan pa la chu bur bskyed pas nges par gnas nas dbyung ba'i las byed do / /
zhes smras pas skrag ste / grags pa'i slob ma la snam sbyar dang chos gos la sogs pa byin nas / bar bcol lo / /
de nas grags [B:88a]pas phyogs btsal te / slar 'ongs pa dang slob ma de dag gis / mkhan po thugs 'di lta bu bzlog par rigs te / ston pa 'das pa'i gsung rab la rnam pa de dang de dag gis 'tsho bar rung na / ci'i slad du de dag la gnod pa'i las bgyi / zhes smras pas / de dag gis sug blangs par shes nas de dag bshad de / gang gis bshol bar bya ba rings byed rings pa bshol byed pa / /
tshul bzhin bya ba rab spangs byis pa de ni sdug bsngal 'gro / /
de ni grags pa med pas skal ldan grogs kyis rnam par spangs / /
de ye don ni mi 'phel mar gyi ngo yi zla ba bzhin / /
gang gis dgongs pa de bzhin rings byed blo ldan mi bshol ba / /
tshul bzhin ma yin rab spangs mkhas pa de ni bde ba thob / /
de ni grags pa skal ldan grags po rnams kyis spangs mi 'gyur / /
de yi don ni 'phel ba yar gyi ngo yi zla ba bzhin / /
de nas grags pa 'khor gyi khyams su zhugs te smon nas shes pa brtags te / gaND'i brdungs pas dgra bcom pa bdun brgyar gcig gis ma tshang ba 'dus te / kun dga' bo'i slob ma sha stag go /
zla sgur 'gog snyoms la zhugs pas ma thos so / /
de nas grags pas ming phyung ste bzlas na 'khrug pa