[A:104a]khro phur brtsis pa dang / me yos la sol nag thang chen du brtsis par / smin drug zla ba'i dkar phyogs kyi / tshes brgyad nam gung mnyam pa la / zla ba ri bo la nub tshe / /
thub dbang yongs su mya ngan 'das / /
de rjes lo ni stong phrag cig /
bdun brgya dang ni lnga bcu dang / /
zla ba gnyis dang zla ba phyed / /
de bzhin nyi ma lnga rab 'das / /
lo ni stong phrag gsum dang ni / /
nyis brgya dang ni bzhi bcu dgu / /
zla ba dgu dang nyi ma bcu / /
ma 'ongs bstan pa'i lhag mar gnas zhes / me yos dpyid 'bring gi tshes lnga la brtsis pa dang / lcags pho rta la sa skyar brtsis pa'i lugs kyis / lo stong brgyad brgya drug cu rtsa lnga chu pho khyi lo yan chad la 'das par [C:138]bzhed pa la / chos rje sa skya pa'i zhal nas / lugs de ni rgya gar na nyan thos sen ngha ba rnams dus brjod pa'i tshe / ston pa 'das nas lo 'di song zhes nub re zhing brtsi ba zhig yod pa la / de'i lugs ma ga ngha'i byang chub chen po'i sku gzugs de / slob dpon mtho btsun grub rje dang / bde byed bdag pos mdzad par bzhed nas / tsan dan gyi lde gu spungs pa na rang [B:93b]byung du byung ba'i dus de nas bzung bas dus tshigs 'khrul te / ston pa 'das nas lo 'di song zhes brtsis pas / de'i rjes su 'brangs nas / rgya bal kha che'i paNDi ta phal cher bzhed kyang / yid brtan par mi bya ste / lha mo dri ma med pa'i 'od kyi lung bstan na gdong dmar gyi yul du zhes pa bod yin pas dang / klu sgrub la sogs pa lung bstan pa'i lo grangs dang / rgyal po la sogs pa'i rabs brtsis na mi 'thad pa'i phyir ro zhes gsungs so / /
rba bzhed nas gdong dmar gyi yul rgya bshad do / /
kha cig