[A:103b]srung byung / de nas lo nyis brgya sum cu rtsa gcig na / rgyal po brjed mngas?mangs? byung / de nas lo bdun brgya nyi shu rtsa bzhi nas 'phro bzung nas / lo brgyad brgya bcu bzhi na bal por / rgyal po 'od zer go cha byung / de nas lo nyis brgya bzhi bcu rtsa gnyis na / bod kyi rgyal po khri gtsug lde btsan ral pa can byung ste / de yan chad la lo nyis stong dgu brgya lnga bcu rtsa lnga song zhes rgya gar dang bal po'i lo bcos pa dang bod kyi rgyal po rnams kyis legs par brtsis pa las 'byung zhing / jo bo rje'i rjes su 'brang te / mchims nam mkha' grags kyis me mo sbrul lo sum stong sum brgya dgu bcu rtsa gsum 'das par bzhed pas / chu pho khyi yan chad la sum stong bzhi brgya lnga bcu rtsa brgyad 'das par bzhed do / /
thub pa 'brug lo par bzhed pa'i lugs kyis / rje btsun grags pa rgyal mtshan zhi bar gshegs pa'i chos 'khor me pho byi ba la mdzad pa'i tshe / sa skya paNDi tas brtsis pas / sum stong sum brgya bzhi bcu zhe dgu lon no / /
de nas me mo glang [B:93a]la chu mig chos 'khor gyi dus su bla ma chos rgyal gyis brtsis pas sum stong bzhi brgya dang bcu lon par brtsis pas / chu pho khyi lo la bla ma ti shri kun dga' blo gros rgyal mtshan dpal bzang po bod du bsnyen rdzogs la byon pa'i lo yan chad la sum stong bzhi brgya lnga bcu rtsa lnga 'das / rtsa drug pa'i steng na yod pas / 'bras bu dang sgrub pa'i dus kyi lnga brgya phrag drug dang / lung mngon pa'i dus kyi bzhi brgya lnga bcu rtsa lnga ni 'das la / lhag mar mngon pa'i lo bzhi bcu zhe lnga / mdo sde 'dul ba rtags tsam 'dzin pa'i lnga brgya phrag gsum ste / lo stong lnga brgya bzhi bcu zhe lnga lhag mar lus so zhes bya'o / /
kha che sh'akya shr'is / shing pho byi lo la