[A:105b]ngo / /
der dge bsnyen chos 'phel zhes bya ba rdzu 'phrul dang ldan pa zhig 'byung ngo / /
byang phyogs su dge slong 'tsho byed ces pa theg chen pa zhig 'byung ste / des sangs rgyas kyi mchod rten zhig pa 'chos shing gser gyis brgyan pa la sogs byed cing bde ba can du skye'o / /
mtha' 'khob kyi yul nags kyi sa na rgyal po'i pha brang zhi ba na rgyal po mes byin zhes bya bas sku gdung dang nyan thos rnams mchod de / der dgra bcom pa sum stong lhag tsam 'du'o / /
byang phyogs kyi rgyud na grong shing kun skye ba zhes bya bar tshems mche ba la mchod pa rgya chen po byed cing / dge slong khrims ldan mang du 'byung ste / thams cad theg pa gsum gyis mya [C:140]ngan las 'da' ste / de rnams kyis nga'i bstan pa rgyas par byed par 'gyur gyis / mya ngan ma byed / ces gsungs so / /
lang kar gshegs par / lho phyogs be da'i yul du ni / /
dge slong dpal ldan cher grags pa / /
de ming klu zhes bod pa ste / /
yod dang med pa'i phyogs 'jig pa / /
nga yi theg pa 'jig rten du / /
bla med theg chen rab bshad nas / /
rab tu dga' ba'i sa bsgrubs te / /
bde ba can du de 'gro'o / /
zhes pa dang / 'jam dpal rtsa rgyud las / de bzhin gshegs pa nga 'das nas / /
lo ni bzhi brgya lon pa na / /
dge slong klu zhes de 'bod 'byung / /
bstan pa la ni dad cing phan / /
rab tu dga' ba'i sa thob pa / /
lo ni drug brgya dag tu 'tsho / /
rig pa rma bya chen mo ni / /
bdag nyid chen po des kyang 'grub / /
bstan bcos sna [B:95a]tshogs don dang ni / /
dngos po med pa'i don de rig /
gang tshe lus de bor ba na / /
bde ba can du skye bar 'gyur / /
de ni mthar gyis sangs rgyas nyid / /
nges pa kho nar yang dag 'thob / /
ces klu sgrub lung bstan no / /
thogs med ces bya'i dge