[A:106a]slong ni / /
bstan bcos de ni don la mkhas / /
mdo sde nges don drang ba'i don / /
rnam pa mang po rab tu 'byed / /
'jig rten rig pa ston bdag nyid / /
gzhung 'byed ngang tshul can du 'gyur / /
de yi rig pa grub pa ni / /
sa la'i pho nya mo zhes brjod / /
de yi sngags kyi mthu yis ni / /
blo ni bzang po skye bar 'gyur / /
bstan pa yun ring gnas bya'i phyir / /
mdo yi de nyid don sdud byed / /
lo ni brgya dang lnga bcur 'tsho / /
de lus zhig nas lha yul 'gro /
'khor ba rnams su 'khor ba na / /
yun ring bde ba rjes myong nas / /
bdag nyid chen po mthar gyis de / /
byang chub thob par 'gyur ba yin / /
zhes thogs med lung bstan no / /
nga ni mya ngan 'das 'og tu / /
lo ni dgu brgya lon pa na / /
zhes zer ba ni rgyud na med do / /
'on kyang rgya'i slob dpon rdzogs gsal gyis dgongs 'grel gyi 'grel par bris pa'o / /
phyi ma de tshe dus dag tu / /
dge slong dgra bcom zhes bya ba / /
de ni sngags don bdag nyid can / /
rgyud shes de bzhin mang du thos / /
gnod sbyin sngags ni rab brjod pas / /
de la bum pa bzang po grub / /
ces sogs kyis dgra bcom lung bstan no / /
dge slong mang du thos pa ni / /
de yi tshe na 'byung 'gyur ba / /
ma khol zhes kyang bya ba ste / /
nga nyid kyi ni bstod byed pa / /
ji ltar yon tan bzang po ni / /
ji lta bzhin du brjod par 'gyur / /
kun nas sems ni rab dang zhing / /
sangs [C:141]rgyas rnams kyi bstan la dad / /
bsgrub dka' sngags ni rab grub cing / /
'jam dpa'i dbyangs kyi de bzhin no / /
yon tan [B:95b]ldan zhing tshul khrims ldan / /
mang du thos shing chos kyang smra / /
zhes pa nas thams cad mkhyen pa'i byang chub 'thob / ces pa'i bar gyis ma ti tsi tra lung bstan no / /
ston pa'i gsung rab