[A:106b]sa steng du / /
dus mtha' 'jig rten nyams pa na / /
sdom brtson rgyal po'i tshul gyis ni / /
'byung bar 'gyur bar the tshom med / /
dper na ma khol zhes bya dang / /
me tog ces byar rnam par grags / /
yi ge ma zhes gzhon nu zhes / /
dang po tha mar chos la dga' / /
klu bos zhes kyang rnam par grags /
rin chen 'byung zhes bya ming dang / /
yi ge ga zhes gzhon nu zhes / /
yi ge ba zhes chos sems byed / /
yi ge a' ming bdag nyid che / /
ston pa'i bstan pa gces 'dzin byed / /
blo ldan yon tan kun gyis bkur / /
dang po'i yi ge la zhes bstan / /
rgyal po sangs rgyas pa yi phyogs / /
ston pa'i bstan pa gsal bar byed / /
sdom brtson yi ge a zhes bsgrags / /
bram ze las ni rab tu byung / /
grong khyer gnas bcas gnas pa ste / /
de bzhin tshe ni brgyad cur 'tsho / /
dang yig yi ge a dge slong / /
lho yi phyogs su 'byung bar 'gyur / /
blo ldan tshe ni drug cur 'tsho / /
ka shi zhes bya'i grong du gnas / /
yi ge dha zhes stom brtson nyid / /
lho yi phyogs su rnam bar bsgrags / /
pha rol rkol ba bzlog nas kyang / /
de bzhin sdom brtson sngags kyang 'grub / /
gzhan yang rab byung dam pa ni / /
sing ga la yi grong na gnas / /
'phags pa min la 'phags pa'i ming / /
sing ga la yi gling na gnas / /
pha rol rgol ba bzlog nas ni / /
mu stegs rnams kyi sngags sun phyung / /
de dus 'jigs su rung ba yi / /
dus kyi mtha' la 'byung bar 'gyur / /
yi ge da dang la dang por / /
sdom brtson gang zhig rab gsungs dang / /
yi ge ra dang ba dang [B:96a]por / /
dge slong gang zhig rab 'byung gsungs / /
ston pa'i bstan pa gsal byed pa / /
'byung bar 'gyur bar the tshom med / /
rgyal po nag po zhes bya bar / /
yi ge ma zhes sdom brtson 'byung / /
mchod rten kun