[A:107a]dga' ra ba gnas / /
rdzing dang khron pa'ang thams cad du / /
ston pa'i gzugs brnyan thams cad brtags / /
gzings dang zam pa nyid rnams ni / /
byed par 'gyur bar the tshom med / /
mtshan gyis lus zhig mtho ris 'gro /
de nas yi ge sa dang ka /
dang po dag tu brjod pa dang / /
de bzhin yi ge ra dang gha / /
dang po dag tu rab brjod dang / /
dang por yi [C:142]ge ba dang ni / /
legs bzhin legs te bde zhes bstan / /
sbyin byed sbyin par byed pa nyid / /
gzhan gyi grub mtha' sun byed pa / /
tshong pa sngon dang sman pa sngon / /
gnyis ka sbyin byed sna tshogs byed / /
yi ge ba zhes sdom brtson bsgrags / /
de las gzhan pa dang yig ra / /
dang po yi ge ba grags dang / /
ston pa'i gzugs brnyan don yang byed / /
blo ldan dang por yi ge ma / /
de bzhin sdom brtson dad pa 'byung / /
rnam pa du mar sdom brtson gsungs / /
de tshe mtha' yas 'byung bar 'gyur / /
sdom brtson thams cad bsgrags pa yang / /
ston pa'i bstan pa gsal byed pa'o / /
bstan pa de tshe sa steng du / /
rnam par nyams shing snang med la / /
ston pa'i gzugs brnyan yid du 'ong / /
byed par 'gyur ba the tshom med / /
thams cad byang chub lung bstan te / /
nga yi byang chub mchog thob 'gyur / /
de bzhin 'jig rten sbyin gnas 'gyur / /
srid pa gsum gyi mthar yang byed / /
sngags dang rgyud la mngon brtson pas / /
grags pa 'dzin par shes par bya / /
bram ze chos kyi ngang tshul can / /
da ni rab tu brjod par bya / /
sngags dang rgyud la mngon brtson pas / /
rgyal po'i lugs la nye bar [B:96b]gnas / /
de tshe mi bzad dus dag tu / /
'jig rten kun la 'byung bar 'gyur / /
yi ge ba zhes bram ze mchog /
phyug cing rig byed pha rol phyin / /
de 'dir sa