[A:108a]bdag nyid chen po sngags zlos ldan / /
nges par byang chub gzhol bar 'gyur / /
zhes pa 'di gnyis / dbyig gnyen dang phyogs glang la sbyor ba mang ste min pa 'dra / sdom brtson las logs su phye bas bshad pa'i phyir dang / byed las dang mtshan nyid med pa'i phyir ro / /
dbus kyi yul du bstan pa ni / bram ze gang ba bzang zhes pa / /
'dul ba dang ni tshul bzang nyid / /
gang ba bcom brlag nyid du gnas / /
dang yig bha ni nor gyi spyan / /
rgyal po rnams kyis bsngags mchod byed / /
bram ze 'di dag bstan pa ni / /
ston pa'i bstan pa mchod byed pa'o / /
zhes gsungs so / /
shar phyogs rgya mtshor brten nas ni / /
de 'dir 'brog gi mthar thug par / /
blo ldan lo hi ta las gzhan / /
byang du de bzhin kha ba can / /
zhes pa 'dis ya 'brog tu 'khrungs pa'i lo tstsha ba chen po bstan par 'dod de / rgyal po lung bstan pa'i skabs yin pas brtag dgos te / /
de'i 'phro las nub tu ka shi nyams dga'i grong / rtse mo zhes bya'i grong de bzhin / /
'di yi nang du rgyal po ni / /
ston pa'i bstan pa gsal byed pa / /
de ni seng ge lnga zhes bya / /
zhes pas so / /
gzhan yang ston pa 'das nas lo brgya na grong khyer me tog can du rgyal po mya ngan med 'byung ste / lo brgya lnga bcur 'tsho zhing / lo brgyad cu rtsa bdun du mchod rten mchod par byed do / /
de nas rgyal po mya ngan med bral zhes pa lo bdun cu rtsa drug tu mchod rten mchod do / /
de nas rgyal po dpa' bo'i sde lo bdun cur rgyal srid byed do / /
de nas rgyal po dga' bo lo lnga bcu rtsa drug rgyal srid byed cing / de'i grogs po bram ze p'a Ni ni yin no / /
de nas rgyal po zla ba sbas pa 'byung / de