[A:107b]rnams ma lus par / /
rtsod pa'i phyir ni rab tu rgyu / /
mtsho gsum sa yi mthar thug par / /
pha rol mu stegs rtsod la dga' / /
gang phyir dang po gtso bo'i tshig /
sems can rnams la phan 'dod pas / /
gzhon nus yongs su gsungs gyur pa / /
yi ge drug pa'i sngags kyang zlos / /
cho ga rab 'byams 'di dag las / /
des ni de phan de la bstan / /
rgyal dang legs par rgyal ba dang / /
grags ldan dge ba de las gzhan / /
rigs ldan chos dang ldan pa dang / /
rtsod ldan legs par khyab 'jug dang / /
sbrang rtsi sbrang rtsi bzang po dang / /
de bzhin grub dang legs bral dang / /
ra gha pa dang dmangs rigs dang / /
de bzhin ka shir skyes pa gzhan / /
gzhon nu 'di yi bzlas pa la / /
thams cad kun yang 'byung bar 'gyur / /
de dag kun kyang bzang po ste / /
blo ldan mang du thos pa yin / /
zhes pa dang / /
de 'og rnam par grags pa ni / /
bram ze dang po'i yi ge pi / /
grong khyer me tog ces bya bar / /
de ni khro bo grub par 'gyur / /
zhes dang / /
de 'og rnam par grags pa ni / /
bram ze yi ge dang [C:143]po a / /
chos don dge ba ldan bdag nyid / /
bden par smra zhing dbang po thul / /
zhes dang / /
de 'og rnam par grags pa ni / /
bram ze chos don sems byed pa / /
de nas mthar ni dang yig sha / /
ma la'i yul du de ni 'byung / /
zhes dang / /
de 'og rnam par grags pa ni / /
lho yi phyogs su bram ze ni / /
yi ge dang po ba bstan pa / /
ston pa'i bstan la de gtso byed / /
mchod rten kun dga' ra ba gnas / /
ston pa'i gzugs brnyan yid 'ong gis / /
sa ni rgya mtsho gnyis mthar thug /
thams cad kyi ni rgyan du byas / /
de 'og rnam par grags pa ni / /
bram ze'i [B:97a]gtso po nor chen ldan / /
dang po yi ge na zhes pa / /
lho yi phyogs su yang dag bsten / /