[A:110a]mi 'da' bar thub pa'i gsung bsgrub cing bstan pa skyong bar byed do / /
IVAcc1b2c3b4c5. gnyis pa lung bstan pa'i gang zag gis bstan pa la bya ba byas tshul ni / sangs rgyas 'das nas [C: 146]lo bzhi brgya na / lho phyogs be dar bha'i yul du bram ze phun sum tshogs pa zhig la bu med pa na rmi lam du bram ze brgya la chos ston drangs na bu rnyed ces lhas lung bstan no / /
de nas de ltar byas te gsol ba btab pas zla ba bcu na khye'u zhig btsas te / mtshan mkhan la bstan pas mtshan bzang mod kyi [B:99a]'on kyang / zhag bdun gyi tshe las med do zer ro / /
de la ci phan dris pas / bram ze brgya la chos ston drangs pas zla ba bdun dang / dge slong brgya la chos ston drangs pas lo bdun thub / de nas thabs med zer ro / /
de nas de bzhin byas te lo bdun du nye ba na bu'i ro mthong ba pha mas mi bzod pas / g.yog dang bcas pa 'khyam du btang ngo / /
de rim gyis song song ste khar sa p'a Ni'i zhal bltas te / rim gyis dpal n'a len dra'i sgo drung du song ste / snyan ngag gyi rig byed dag bsgrags pa na / de na bram ze sa ra ha bzhugs pas gsan nas / nang du khrid nas ji ltar gyur pa'i rgyu mtshan bshad pas / slob dpon na re / rab tu 'byung nus na / thabs yod gsungs pas rab tu byung / tshe dpag med 'chi bdag 'joms pa'i dkyil 'khor du dbang bskur nas / gzungs 'don du bcug / khyad par lo bdun lon pa'i nub mo mtshan thog thag bton pas / 'chi bdag las thar te / pha ma dang phrad pas kyang shin tu dga'o / /
de nas bram ze sa ra ha la dpal gsang ba 'dus pa la sogs pa'i gzhung gdams pa dang bcas pa zhus so / /
de nas n'a len dra'i mkhan po sgra gcan