[A:110b]'dzin bzang po la mkhan po zhus te / bsnyen par rdzogs te dge slong dpal ldan zhes grags so / /
de'i tshe n'a len dra pa'i dge 'dun gyi zhal ta ba byas pa'i tshe mu ge chen po byung ba la gling bar nas gser 'gyur gyi rtsi blangs te / gser 'gyur byas nas nas dge 'dun gyi gdugs tshod sbyar te dbyar gnas thon pa dang / dge 'dun rnams kyis / mi rid pa dang / shi ba mthong nas / mu ge byung 'dug pas / dge 'dun gyi gdugs tshod ji ltar sbyar zhes dris pas / sngar gyi tshul brjod pas dge 'dun la ma zhus par / dge 'dun log 'tsho la bkod 'dug pas / gnas nas phyung la gtsug lag khang dang / mchod rten bye ba gyis shig ces [B:99b]bsgo'o / /
de nas 'jig rten dang 'jig rten las 'das pa'i dngos grub bsgrubs pas thob ste / de'i tshe dge slong bde byed ces pas / rigs pa'i rgyan zhes pa'i gzhung 'bum phrag bcu gnyis pa byas nas / thams cad sun phyung bas de gdul ba'i don du n'a len drar chos gsungs so / /
de'i tshe byis pa gnyis chos mnyan cing sa 'og tu song ba la su yin dris pas klu yin zer ba la / slob dpon gyis gnod sbyin gyi 'dam khyer la shog gsungs pa la de dag gis klu'i rgyal po la zhus pas / slob dpon spyan drongs zer te spyan drangs pas / don du 'gyur bar mkhyen nas / klu'i yul du byon [C:147]nas chos gsungs so / /
de'i tshe klus bzhugs par zhus pas / nga mchod rten bye ba bzhengs pa'i 'dam 'tshol ba dang / 'bum gdan 'dren du 'ongs kyi / bsdad mi khom / phyis 'ong srid gsungs te / 'dam mang po dang / /
'bum dang / yi ge nyung ngu yang gdan drangs te / 'bum gyi zhabs nas bag tsam klus ma bskur zhes grag go /
de nas 'dam des mchod rten la sogs bye ba