[A:111b]par byed pa rmi lam yid bzhin gyi nor bu / rten khyim pa'i spyod pa gtso bor ston pa bshes spring / rab byung gi spyod pa gtso por ston pa byang chub kyi tshogs / sngags kyi phyogs la lta spyod mdor bsdus pa rgyud kun las btus / lta ba gtan la 'bebs pa byang chub sems 'grel / bskyed rim ston pa 'dus pa'i sgrub thabs mdor byas / mdo bsre / dkyil chog nyi shu pa / rdzogs rim ston pa rim pa lnga pa la sogs pa mdzad do / /
gso ba rig pa'i bstan bcos sbyor ba brgya pa la sogs pa dang / lugs kyi bstan bcos dmangs [C:148]la gdams pa skye bo gso thigs / blon po la gdams pa shes rab brgya pa / rgyal po la theg chen gyi lta spyod zung 'brel du ston pa dbu ma rin chen phreng ba / gzhan yang rten 'brel gyi rtsis / spos sbyor / gser 'gyur la sogs pa rang rkang du brtsams pa mang po dang / gzhan 'grel du btags pa gsang 'dus 'grel pa dang / sa lu ljang pa'i mdo tshigs su bcad pa bsdus pa la sogs pa mdzad do / /
phyag rgya bzhi pa ni / klu sgrub kyis mdzad pa min no zhes / man ngag snye [B:100b]mar bshad do / /
slob dpon shes rab 'byung gnas blo gros kyis / spyod 'jug 'grel par / slob dpon klu sgrub kyis bslab pa kun las btus pa zhig kyang mdzad par bshad do / /
de ltar lo drug brgyar bstan pa'i bya ba mdzad do / /
de'i tshe rgyal po mthar 'gro zhon nam bde spyod bzang po la bu gzhon nu nus ldan zhes bya ba zhig la / mas gos bzang srubs med pa zhig byin pas / 'di nga rgyal srid 'dzin dus su dgos zer ba la / mas khyod kyis rgyal srid 'dzin pa mi 'ong / yab dang slob dpon klu sgrub tshe sgrub dang bcud len stabs su byas pas grub ste / slob dpon dang srog