[A:112b]mdzad pa / /
klu sgrub de la phyag 'tshal nas ni de'i / /
zhes pa dang / dbu ni don du gnyer ba 'ongs la thugs rjes dbu ni bcad de stsal mdzad nas / /
bde ba can du rgyal ba'i sras po klu sgrub gshegs par gyur pa des mdzad pa'i / /
zhes gsungs so / /
kha cig / sprin chen po'i mdo las / li ca byi 'di nga 'das nas lo bzhi brgya na klu zhes bya ba'i dge slong du gyur nas / nga'i bstan pa rgyas par byed de / mthar / 'jig rten gyi khams dang ba'i 'od du / sangs rgyas ye shes 'byung gnas 'od du 'tshang rgya'o zhes bshad zer te / sprin chen las / lho phyogs drang srong byi po'i yul du rgyal po rgud pa gso ba zhes bya ba 'byung ste / de'i tshe lo brgyad cu na / dam pa'i chos zhig pa'i lhag ma tsam du gyur pa na / bsod nams ldan gyi grong khyer bye ma chen po zhes pa'i 'bab chu mdzes 'byor gyi byang gi 'gram du / rje rigs 'bra go can gyis phyogs su / li tsa byi gzhon nu 'jig rten thams cad kyis mthong na dga' ba / de bzhin gshegs pa'i chos dbyung ba'i phyir nga'i ming can du skye'o / /
des de bzhin gshegs pa klu rigs sgron ma'i drung du thub pa'i bstan pa la chos phyir srog gtong bar dam bcas pa des bstan pa rgyas par byed do / /
zhes 'byung gi / klu sgrub kyi gsal kha med mod / kha cig / klu sgrub kyi mtshan sh'akya bshes gnyen du 'dod pa ltar na brtag cing / rnga bo che'i [B:101b]mdo las / klu sgrub lung bstan sa brgyad par bshad ces pa'ang brtag par bya'o / /
de'i sras slob dpon 'arya de ba ni / sing ga la'i gling du padma'i sbubs su rdzus te skyes pa la de'i rgyal pos bur bzung ste / cher skyes pa na slob dpon klu sgrub can du byon nas / slob gnyer mdzad pas rig pa'i