[A:113b]sbyong / smin byed dbang gi cho ga la gdan bzhi'i dkyil chog snying po mdor bsags / bskyed rim ston pa gdan bzhi'i sgrub thabs / ye shes mkha' 'gro ma'i sgrub thabs / gtor chog / rdzogs rim ston pa shing gcig gi dka' 'grel la sogs pa mdzad cing / sgron gsal gyi 'grel bshad mdzad zer te / dus mtshungs sam mi mtshungs brtag par bya'o / /
yang slob dpon klu sgrub kyi slob ma klu'i byang chub ni phyi nang gi grub mtha' thams cad la mkhas pa / yi dam gyi lha'i zhal gzigs shing tshe'i dngos grub brnyes pas deng sang gi bar du yang dpal gyi ri la bzhugs par grags pa des kyang / gsang 'dus kyi dkyil chog dang / rim lnga'i 'grel pa la sogs pa mang du mdzad do / /
slob dpon tsantra go mi ni shar phyogs bhaM ga lar skyes shing / gzhon nu la mkhas par gyur te / ba ren tra'i rgyal po'i bu mo t'a ra zhes bya ba bag mar byas te 'dug pa na / re shig gi tshe g.yog mos t'a ra zhes bos te / bsams pa dang / mo dang yi dam gyi mtshan mthun pas mi rung bar shes te / bzod par gsol te / 'gro bar chas pa na 'khor gyis bzung ste / ci'i phyir 'gro zhes 'dri ba la rgyu mtshan brjod do / /
de rgyal pos thos te / nga'i bu mo dang lhan cig tu mi 'dug na gangg'a la skyur cig zer ba dang / gshed ma dag gis gad g'ar bskyur ba na / slob dpon gyis sgrol ma la bstod pas / sgrol mas chu dbus su gling sprul / zhal mngon sum du bstan te byin gyis brlags pas deng sang yang tsantra'i gling zhes grags so / /
de nas nya pas bsgral te / ba ren dra'i rgyal po'ang dad nas / mchod gnas mdzad de / mthar gyis n'a len drar song ste / yon tan ci shes 'bri ba la / sgra p'a Ni