[A:114a]dang / mtshan brjod dang bstod pa brgya lnga [B:102b]bcu pa [C:151]gsum shes / zhes brjod pas / mkhas pa chen por shes te / bsu ba dang bkur sti rgya chen po byas so / /
de'i tshe sman dpyad la sogs pa'i bstan bcos phran mang du brtsams pas / rje btsun 'jig rten dbang phyug gi zhal nas / theg chen gyi bstan bcos mang du rtsoms shig gsungs nas / zla ba sgron me'i 'grel pa dang / sku gsum la 'jug pa la sogs pa mang du mdzad de / de'i tshe slob ma rgyal rigs kyi dge slong zhig babs nas sdig pa sna tshogs byed pa zhig byung nas / de 'dul ba'i don du / slob ma la spring ba dang / sgra'i mdo le'u sum cu so gnyis shu lo ka bdun brgya yod pa / p'a Ni ni dang mthun pa zhig mdzad de / de'i yan lag tu gyur pa byings dang / nyer bsgyur dang yi ge'i mdo dang / u Na la sogs pa dang / su pa dang / ting la sogs pa mdzad nas btul lo / /
'jam dpal dbyangs la bstod pa byas pas sku gzugs kyi dbu yon por mdzad de gsan pa byung bas / 'jam dbyangs mjing yon gyi bstod pa zhes grags so / /
de'i tshe slob dpon zla ba grags pas sgra'i bstan bcos kun tu bzang po zhes bya ba tshigs bcad du byas pa legs pa zhig mdzad pa gzigs te / rang gis byas pa'i bstan bcos mi legs pas snub bo snyam ste / khron par bskyur ba dang / 'jig rten dbang phyug gis khyod kyis lhag bsam gyis byas pas phan che bar 'gyur gyis thon cig gsung nas / bton te / khron pa de la tsantra khron pa zhes grags shing de la chu 'thung na'ang blo rno bar 'gyur zer ro / /
de'i tshe zla bgrags pa dang rtsod pa byas te / de ring gi lan 'jig rten dbang phyug la zhus te / nang