[A:114b]par btab pas zla grags the tshom du gyur te / phyi bzhin bsnyegs pa na / 'jig rten dbang phyug gi lan slob pa gzigs te / 'phags pa nye ring ma mdzad ces gsol bas / phyag mdzub bskum pa ma byung bar lus pas / ding sar yang thugs rje [B:103a]chen po mdzub kyer zhes grags so / /
de ltar tsantra go mi yon tan chen po dang ldan pas bstan pa bzung ngo / /
zla ba grags pa ni yul lho phyogs sa ma nar 'khrungs te / mdo rgyud kyi don la sbyangs pas / klu sgrub yab sras kyi gsung rab la brten nas mkhas pa chen por gyur cing / skye ba lnga brgyar 'jam dpal gyis byin gyis brlabs pa ri mor bris pa'i ba la 'o ma 'jo nus pa / rdo'i ka pa la phyag mi thogs par dbyug pa des rigs tshogs dang bzhi brgya pa'i 'grel pa dang / dbu ma la 'jug pa'i rtsa 'grel dang / khyad par du nyi zla ltar grags pa'i 'grel pa / rtsa she'i 'grel pa tshig gsal / gsang 'dus 'grel pa sgron gsal te / gsal ba rnam pa gnyis su grags pa mdzad do / /
de bzhin du sangs rgyas bskyangs dang zla grags dbu ma thal 'gyur 'jig rten grags sde spyod pa'i [C:152]dbu ma / slob dpon bha bya la sogs mdo sde spyod pa'i dbu ma / ye shes snying po / dpal sbas / zhi ba 'tsho / padma'i ngang tshul / seng ge bzang po la sogs pa rnam 'byor spyod pa'i dbu mar 'phags pa yab sras kyi dgongs pa 'chad do / /
tshig gsal du / klu sgrub sgra gcan 'dzin ni bzang po'i zhal snga dang bcas lhas kyang gsung rjes su / /
'brangs bas de yi tshul lugs dus ni yun ring zhig tu gsal bar bstan par mdzad / /
de yi slob ma bstan bcos de la rnam par byed pas rnam nges bla so ldan pa / /
rnams kyis kyang ni mu stegs ma lus