[A:119b]zhig yod [B:107b]pa de re zhig gi tsho shi ste / mtha' 'khob 'dra ma zhes bya bas dmangs rigs kyi bur skyes ma [C:158]thag nga yi slob dpon ga na bzhugs zhes 'dri ba la / khyod kyi slob dpon su yin byas pas / dbyig gnyen yin zer nas / phas yul dbus su 'gro ba'i tshong pa la dris pas bzhugs par thos nas / cung zad skyes pa dang / slob dpon dbyig gnyen can du bskyal nas / slob dpon gyis yi ge'i phyi mo bslob pa nas bzung ste / rig pa'i gnas thams cad la mkhas par bslabs te / chung ba'i dus su len dran gri lendra na sgrol ma'i rten bzhugs pa'i phyag tu / sran ma'i phud phul la bza' snyam nas 'ga' zhig phul bas 'gril nas byung / yang phul bas 'gril / 'phags mas ma gsol bar rang za ba mi 'ong snyam nas / zad zad phul yang 'adgril bas / byis pa ngus so / /
der 'phags mas zhal dngos su bstan te / ngu mi dgos / ngas khyod la byin gyis brlabs kyis khyim du song gsungs nas / de nas mkhyen rab thogs med du gyur te / rten de la sran ma'i sgrol ma zhes grags so / /
slob dpon de la mdo dkon mchog brtsegs pa'i le'u bzhi bcu zhe dgu yan chad thugs la mnga' zhing / 'grel pa yang mdzad ces grag go /
de'i tshe mkhas pa'i grags pas kun tu khyab cing / de'i dus na slob dpon yon tan 'od kyi sbyin bdag / rgyal po shr'i har shas chos kyi grags pa la da lta su mkhas dris pas / mkhas par rgyal pos byas pa yi / /
btsun pa yon tan 'od kyang ste / /
bstan bcos kun gyi spod gcig la / /
slob dpon blo gros brtan pa nyid / /
ces gsungs skad do / /
slob dpon des mdzod kyi 'grel pa gnam lcags thog gzer / chos