[A:11b]spangs pa'i lam gsungs pa'i phyir dang / gdul bya yongs su smin pa rnams la gsungs pa'i phyir dang / gsung yan lag drug cu dang ldan par gsungs pa'i phyir ro / /
'o na gsung yan lag drug cu gang zhe na / sems can gyi khams kyi dge ba'i rtsa ba nye bar ÚÞÆäÉïpar mdzad pa'i phyir gnyen pa'o / /
mthong ba'i chos nyid la bde ba la reg pa'i phyir 'jam pa'o / /
don bzang ba'i phyir yid du 'ong ba'o / /
yi ge bzang ba'i phyir yid du 'thad pa'o / /
'jig rten las 'das pa bla na med pa'i rjes las thob pa'i phyir dag pa'o / /
nyon mong pa'i bag la nyal gyi bag chags thams cad dang bral ba'i phyir dri ma med pa'o / /
tshig dang yi ge [B:10b]rab tu grags pa'i phyir rab tu gsal ba'o / /
mu stegs can blo gros ngan pa thams cad kyi lta ba rnam par 'joms pa'i stobs kyi yon tan dang ldan pa'i phyir snyan cing 'jebs pa'o / /
sgrub pas nges par 'byung ba dang ldan pa'i phyir mnyan par 'os pa'o / /
pha rol gyi rgol pa thams cad kyis mi brdzi ba'i phyir mi tshugs pa'o / /
thams cad dga' bar byed pa'i phyir snyan pa'o / /
'dod chags la sogs pa'i gnyen po yin pa'i phyir dul ba'o / /
bslab pa bca' ba'i thabs bde ba'i phyir mi rtsub pa'o / /
de las 'das nas nges par 'byung ba'i thabs yang dag par ston par mdzad pa'i phyir mi brling ba'o / /
theg pa gsum char gyi [C:15]'dul ba ston pa'i phyir rab tu dul ba'o / /
rnam par g.yeng ba'i gnyen po'i phyir rna bar snyan pa'o / /
ting nge 'dzin bskyed pa'i phyir lus sim par byed pa'o / /
lhag mthong gi rab tu dga' ba bskyed par mdzad pa'i phyir sems sim par byed pa'o / /
the tshom gcod par mdzad pa'i phyir snying dga' bar byed pa'o / /
log pa dang ma nges pa sel bar byed