[A:11a]ni drang srong gsum yin bzlog pa gzhan / zhes so / /
IIDca1b2. gnyis pa sgra don ni / saMskri ta'i skad la / su bh'a SHi ta zhes pas su zhes pa don lnga la 'jug kyang / legs pa / bh'a SHi ta zhes pa gsung pa ste / legs par gsungs pas na bka'o / /
ji ltar legs par [C:14]gsungs snyam na / rnam pa bcus legs par gsungs te / rnam bshad rigs par / ji ltar na legs par gsungs pa yin zhe na / rnam pa bcu dag gis [B:10a]te / yang dag par blang ba nyid kyis dang / dbang du mdzad pa nyid kyis dang / 'jug pa nyid kyis dang / rab tu ldan pa nyid kyis dang / rab tu dbye ba nyid kyis dang / rten nyid kyis dang / go bar mdzad pa nyid kyis dang / gdags pa nyid kyis dang / dus nyid kyis dang / yon tan yongs su 'dzin pa nyid kyis so / /
zhes so / /
de'i don rim pa bzhin du mngon par rdzogs par sangs rgyas nas gsungs pa'i phyir dang / sems can thams cad kyi dbang du mdzad nas gsungs pa'i phyir dang / res 'ga' res 'ga' ma yin gyi / yang dang yang du rgyun du gsungs pa'i phyir dang / slob dpon gyis dpe mkhyud kyis 'ga' la yang bar chad ma byas par yang dag par gsungs pa'i phyir dang / sems can gyi bsam pa ji lta ba bzhin du yang dag par gsungs pa'i phyir dang / dbyangs yan lag lnga dang ldan par yang dag par gsungs pa'i phyir dang / dbyangs gcig gis 'jig rten gyi khams mtha' yas par go bar mdzad par gsungs pa'i phyir dang / 'khor gyi dkyil 'khor ji snyed pa la go bar mdzad par yang dag par gsungs pa'i phyir dang / mtha' gnyis