[A:122a]kyi bram ze rab hu byung ba'i chas blangs pas / zhang pos ngan du smras te bskrad do / /
slob dpon gyi dgongs pas / mu stegs thams cad pham par byed pa zhig bya'o snyam ste / nang pa'i bstan pa la rab tu byung nas sbyangs pa mdzad cing / khyad par slob dpon dbang phyug sde la tshad ma kun las btus tshar gsum du nyan par dam bcas nas mnyan pas dang po la slob dpon dbang phyug sdes ji ltar dgongs pa ltar go /
gnyis pa la phyogs glang gos dgongs pa bzhin go ste / dbang phyug sde'i 'dod pa nor bar rtogs nas / gsum pa gsung bar zhus pas / phyogs glang la slob ma nga lta bu las med / nga la'ang khyed lta bu las ma byung / tshar re las 'chad pa'i srol med pa la / gnyis su'ang bshad pa yin / nga 'di gcig pu 'chad pas mi phan / paNDi ta'i bya ba gzhan yang bya dgos pas / ras snum sta gon gyis shig nub mo 'chad do / /
gsungs nas de ltar byas pas / 'bras bu rgyu'i khyad par gyi rjes su byed pa lhag par rtogs te slob dpon la lngar gyi tshul brjod pas shin tu mnyes nas / da khyod kyis nga'i grub mtha' nor pa rnams / phyogs sngar gyis la / kun las btus la / 'grel [B:110a]pa rtsoms shig /
ces rjes su gnang ngo / /
de nas slob dpon gyis grangs can gyi grab mtha'i gsang tshig rnams rtogs pa'i don du bran du rdzus te zhang po'i chung ma'i g.yog byas nas mgu bar byas te / grub mtha'i gnad 'di 'dra 'dri dgos byas pas / 'dod pa spyod pa'i tshe dri yis / khyed rab yid la zung zer nas / mo'i rkang pa la thag pa btags nas / gang dka' ba de la thag pa 'then nas legs par shes pa dang bris